Асосий мавзулар
17 март 2021

Депутат Кушербоевнинг «блатной» лаҳжаси

Бахтиқаро, шўртумшуқ Олий Мажлисимизнинг ягона шоввоз адекват депутати бўлиб кўринган Расул Кушербоев йўл ҳаракати қоидаларини бузганлар тўғрисида хабар берган, шу билан одамларнинг ҳаётини сақлаб қолаётганларни «козёл» деб атади.

Шунингдек, у Жиноят кодексидаги 120-модданинг (бесоқолбозлик) бекор қилиниши жамиятнинг ўлимига олиб келади, дея хулоса билдириб, бир жинсли муносабатларнинг жиноий жавобгарлиги сақлаб қолинишини тарғиб қилмоқда.

Кўпчилик уни зиёли деб билар ва ҳурмат қилар эди. Аммо маълум бўлдики, депутатни колхоздан пойтахтга олиб чиқиш мумкин, аммо колхозни депутатдан чиқариб бўлмайди. Эчкини яйловдан олиб келиб ситига бойлаб қўйсанг ҳам у яйловга интилади. Мамлакат ўз депутатининг асл моҳияти – оддий «гопник» эканини кўрди.

Афсуски, постсовет одамларининг аксарияти, асосан, ўқимаган саводсизлар, жиноятчиликка яқин бўлган «тушунчалар»нинг чуқур таъсирида қолган. Бу тушунчаларни одамлар мактабда ва маҳаллада ўзига сингдириб, ибтидоий ва ёлғон «қадриятлар» тўпламини эркаклар хулқ-атвори идеали сифатида ҳаёти давомида олиб юришади.

Иқтидорли ватандошлар китоб ўқийдилар ва ижтимоий поғонада баландроқ ва тезроқ кўтарилишади. Ярим чапани ўғрибашаралар эса одатда ҳаммол, қоровул, нари борса шўпирлик қилишади. Аммо баъзида бу тоифадан депутат ҳам чиқади (худо сақласин).

Кушербоев чиқиб, «ўғрилар дунёси»си оид иккита асосий қадриятга мақбул гапларни гапирди: гомосексуалга яқин бўлиш қўрқувига содиқлигини эълон қилди, ҳокимиятни тамсил қилган расмийлар билан ҳамкорликни «козёллик» деб атади.

Ушбу икки фобия унинг учун муҳимдир, ахир ёпиқ хонада эркаклар ўртасида махсус иерархия ривожланади ва «козёллик» жиноий ташкилотнинг муваффақияти учун жуда хавфли.

Оддий дунёда оддий одамлар «ўғрилар қадриятлари»ига сиғинадиганлар устидан кулишади, уларга паст назар ва афсус билан қарашади. Олий Мажлиснинг умидли ягона депутати Хитойнинг арзон пластмасса соати устига суркалган зарҳал каби кўчиб тушгани жуда ачинарли.

Мен бу шоввоз депутат тушунадиган тилда гапиришга ҳаракат қиламан: «Булғаб қўйдинг, оғайни, энди сен тарбияли одамлар билан бир хонада ўтирмайсан». (Зашкварился ты братан, и теперь с приличными людьми тебе в одну хату не зайти).

Мабодо тушунмаган бўлсанг, қайтараман. Ҳаддан ошдинг, шоввоз. Энди ўзини ҳурмат қилганлар сен билан қўл бериб кўришиш ëки кўчада учрашишдан ҳазар қилади.

Тошкентлик журналист Никита Макаренконинг фэйсбук саҳифасидан олинди.

Тағин ўқинг
11 май 2019
Хоразмлик шоир, 56 яшар Маҳмуд Ражабнинг уйига 10 май куни соат кечқурун 18.30 да ўзларини BИБ ходимлари деб атаган ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга олишга боргани ҳақида ёзди: ...
25 феврал 2021
Болалигимда мендан 5-6 ёш катта қўшни каптарвоз бола бўларди. Кўпинча каптарлари бизнинг ҳовлимизга учиб келиб қоларди. Ҳовлимизда у жой, ...
16 декабр 2016
17 йилдан буён қамоқда қолаётган таниқли журналист, 62 ёшли сиёсий маҳкум Муҳаммад Бекжон жазо изоляторига ташланган ва унинг муддати ...
Блоглар
22 сентябр 2021
Эрталаб болани мактабга қолдириб, пиёда ишга келаман. Қулоқда Шер аканинг “Аввалғиларға ўхшамас” қўшиғини қўйиб олиб… ...
14 сентябр 2021
«Ота-она билан бирга нонушта қилиш, неваралар қуршовида бўлиш, бир пиёла чой устида суҳбатлар... Сиз-чи, бугун ...
9 сентябр 2021
6 cентябрдан Ўзбекистон олий ўқув юртларида янги ўқув йили бошланди. Айни пайтда вилоятлардан пойтахтга келиб ...