• Фото: Фергана/Tемур Карпов
Асосий мавзулар
29 март 2021

Блогер Миразиз Бозоров Тошкентда қаттиқ калтаклаб кетилди

«Фергана» агентлигининг ёзишича, кўп масалаларда ўзбек расмийларини танқид қилган тошкентлик блогер Миразиз Базаров 28 март, якшанба куни кечқурун ўз уйи олдида қаттиқ калтакланган, айни пайтда у оғир жароҳатлар билан касалхонага ётқизилган.

«У ўз уйига подъезддан кираётган пайтда қандайдир машина келиб, ундан уч нафар ниқобли киши тушиб, бири бейсбол таёқчаси билан уни калтаклай бошлади», дейди воқеа гувоҳи “Фергана”га.

Унинг сўзларига кўра, калтаклаш тахминан уч дақиқа давом этиб, шу вақт ичида ҳужумчилар Миразизга кўплаб зарбалар беришган.

«Фергана» агентлиги Тошкентдаги травматология касалхонаси шифокорлари маълумотларига таяниб, Миразиз Бозоров ички органлар шикастланиши, катта болдир суягининг очиқ синиб силжиши, оёқ териси йиртилиши ва бош мия чайқалиши жароҳатларини олганини билдиради. У ўз ҳушида. Айни пайтда тиббиёт ходимлари унга биринчи тиббий ёрдам кўрсатишиб, фаолни бошқа касалхонага кўчиришга тайёрланишмоқда.

Эҳтимол, Миразизга нейрохирург ёрдами керак бўлади.

Ҳозирча ҳужум бўйича расмий изоҳлар берилмаган. «Фергана» нашри, шунингдек, бугун тушдан кейин номаълум шахслар блогер ортидан пойлашганини ёзган.

Миразиз Бозоров “Канал Базарова” телеграм каналини бошқаради. Хусусан, у бир неча бор гомосексуалларни қўллаб-қувватлаш ва Ўзбекистонда бесоқолбозлик учун жиноий жазони бекор қилиш ҳақида гапирган.

Эътиборли томони шундаки, бугун ижтимоий тармоқларда номаълум шахсларнинг Тошкент марказидаги йўл бўйлаб пиёда юриб,  «Аллоҳ Акбар!» шиорини бақириб айтган берухсат чиқишлари лаҳзалари акс эттирилган видео тарқалди.

«Видео муаллифлари паркда ЛГБТ жамоасига қарши митинг бўлиб ўтаётганини ва бунга 26 март куни бўлиб ўтган аниме мухлислари учрашуви сабаб бўлганини, намойишчилар ўзлари билмаган ҳолда жинсий озчиликлар вакилларини нотўғри талқин этганини даъво қилишди», дея ёзади «Фергана» расмий нашрлардан иқтибос келтириб.

«Фергана» нашри, шунингдек, Тошкент шаҳри ИИББ маълумотларидан иқтибос келтириб, бир гуруҳ фуқаролар Т.С. исмли  йигит ва Б.Р. исмли қизни ЛГБТ фаоллари деб гумонлаб, уларни уришга ҳаракат қилгани ҳақида ёзади.

“Ушбу фуқароларга 20-25 нафар бошқа шахс қўшилиб, жамиятда юриш-туриш қоидаларини қасддан менсимасдан, безорилик ҳаракатларини содир этишган. Воқеа жойида хизмат қилаётган Тошкент шаҳри ИИББ ва Миллий гвардия ходимларининг аралашуви билан Т.С. ва Б.Р. ҳимоя қилиниб, уларга тан жароҳати етказилишига йўл қўйилмади.

Ҳуқуқни муҳофаза қилувчи орган ходимларининг ҳамкорликдаги чора-тадбирлари натижасида низо оммалашиб кетиши, шунингдек, бошқа оғирроқ оқибатларнинг олди олинди ҳамда ҳеч кимга шикаст етмади”, дейилади Тошкент шаҳри ИИББ хабарида.

Шунингдек, Ўзбекистон ИИВ Ахборот хизмати 29 март куни калтакланган фаол Миразиз Бозоров айбланган видеони тарқатди.

“Охирги кунларда Миразиз Бозоров исмли фуқаро ўзининг ижтимоий тармоқларида Тошкент шаҳридаги Хасти имом масжиди ва Амир Темур хиёбони олдида ноанъанавий жинсий қарашга эга шахслар томонидан оммавий намойишлар ўтказиш бўйича чақириқлар билан чиққан”, дейилади ИИВ Ахборот хизмати видеосида.

“Натижада жорий йилнинг 28 март куни унинг номақбул чақириқларини ўзларига ҳақорат деб ҳисоблаган бир гуруҳ фуқароларимиз бу ҳолат юзасидан ўз фикр ва қарашларини билдириш мақсадида Тошкент шаҳри Амир Темур хиёбонига тўпланганлар. Бунинг оқибатида мазкур шахслар томонидан оммавий тартибсизлик содир этилиб, жамоат хавфсизлигига путур етказилгани” айтилади видеода.

Расмий видео давомида ИИБ ходимлари томонидан қўлга олинган бу шахслар анъанавий тарзда “гапиртирилади” ва улар тилидан Бозоровнинг ҳаракатлари “фитналарга алданиш керак эмас экан”, дея қораланади.

Тағин ўқинг
25 декабр 2020
Азиз дўстим. Кўзлари интизор синглим. Меҳрибон опажонларим. Дуогўй онахонлар. Юзидан фаришта ëққан отахонлар, акалар, укалар, севининг, каламуш йили тугамоқда. ...
15 январ 2021
Салом, азизларим. Ўтган галгидан кўра даврамиз яна кенгайганини кўриб севиндим. Яқиндагина 200 минг эдик. Мана, яна 4000 қўшилибди. Тўйда ...
9 сентябр 2020
Андижон вилоятининг Избоскан тумани ҳокими Серобиддин Исмоилов туман селекторида уй сўраб жонига теккан бир муаллима аёлни жинни деб ҳақорат ...
30 август 2022
Муҳаммад Солиҳ билан кечган суҳбатнинг 5-қисми дўстлик ва нонкўрлик ҳақида. «Мен ҳайрон қолардим: дунёда ёмонроқ ишлар бор. Қотиллик бор, ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...