Асосий мавзулар
25 ноябр 2021

ТВ шоулар устидан Калоновнинг президентга шикояти «маҳаллада дув-дув гап» бўлди

“Нуроний” жамғармаси шаҳар кенгаши раиси Рустам Калоновнинг 23 ноябрь куни президент Мирзиёев билан фаоллар учрашуви чоғида “Маҳаллада дув-дув гап”, “Ёр-ёр” каби ТВ шоулари устидан арзи тармоқлардаги баҳс ва пичингларга сабаб бўлди.

“Халқ балки биринчи ва охирги бор юзма-юз кўришган давлат раҳбарига ўзининг дардини эмас, телеканаллардаги ток-шоулар муаммосини айтадиган даврга етибмиз-ей..))” дея изоҳ ёзди бу ҳолатни кузатган, республика телеканалларида узоқ йиллар ишлаган журналист Шоҳира Ҳамро.

“Президент билан учрашган маҳаллий лидерлар ТВдаги кўрсатувлардан нолишибди. Тўғри, ҳукумат бу каналлардаги контентни ҳал қилади. Ва бу жамоатчилик вакиллари учун ҳозирги Ўзбекистонда ўша «бемаъни кўрсатувлар»дан бошқа муҳимроқ муаммо йўқ”, дея пичинг қилди “Америка овози” мухбири Навбаҳор Имомова.

Телеграм канали блогери Зафар Солижонов эса Калоновнинг шу йилги президент сайловида ЎзЛиДеПни бир жинсли никоҳларни қўллашда айблаганини эслаб, “иккиюзламачиликдан баттар бу”, дея ёзғирди:

«Кўрсатувлар ҳақида гапирсам, бу ерда ҳам «маънавият»ни ёқиб олишни йиғиштириш керак. Ечими осон – ёқмаса, кўрма, бошқа каналга олиб қўй. Ҳеч ким сени мажбурлаётгани йўқ. Бу кўрсатувларнинг кўпларга фойда тегаётганини кўриб турибмиз. Ётволиб чет эл тажрибаси дейдиган давлатларда ҳам бу шоу бўлиши нормал ҳолат. Давлатдан сўз эркинлигини сўрашдан олдин ўзимизни цензуралашни бас қилиш керак»

23 ноябрь куни Тошкент шаҳрининг Шайхонтоҳур туманига ташрифи чоғида маҳаллалар фаоллари билан учрашган президент Шавкат Мирзиёевга «Нуроний» жамғармаси пойтахт кенгаши раиси Рустам Калонов ТВ томошалари устдан шикоят қилиб, жумладан, қуйидагиларни айтган:

“Мана, муҳтарам президент, маҳаллаларга катта эътибор беряпсиз. Лекин бир фикр бор эди – “Севимли” телеканалида “Маҳаллада дув-дув гап” деган кўрсатув бор. Умуман бизнинг анъаналаримизга зид. Қандай қилиб уни оила даврасида томоша қилиш мумкин, ҳайронман. Шунчалик бир масалани муҳокама қилмоқчи экан, ўша маҳалласига бориб қилсин шуни. Яна “Ёр-ёр” дегани ҳам бор. Унда чиқиб хотинлар эр топаман дейди, эркаклар хотин. Яхши эркак бўлса, ўзи хотин топиб олади”.

Калоновнинг шикоятини тинглаган президент Мирзиёев бош вазир Абдулла Ариповга бу юзадан топшириқ бериб: “Абдулла Ниғматович, ўзингиз назоратга олинг бу масалани”, деган.

Eltuz.com

Тағин ўқинг
22 ноябр 2018
Шу йилнинг 23 ноябрида Урганч тумани маъмурий ишлар суди журналистлар уйи мусодара қилингани юзасидан шикоят аризасини кўриб чиқади. Маҳкама ...
3 июн 2019
Андижонда 25 май куни эълон қилинган шанбалик 29 май куни ҳам давом этди. Марҳамат тумани электр тармоқлари корхонаси ишчисининг ...
18 ноябр 2019
Қадимги ва замонавий демократик тузумларда ижтимоий аҳамиятга молик масалалар кўпинча овоз беришга мурожаат билан тугайди. Фуқаролар ўзлари хоҳлаган ўзгаришни ...
25 ноябр 2020
Фарғона вилоятининг Қўқон шаҳридаги Конституция маҳалласида 500 хонадон бор. Уйлардан чиқаётган тутундан эса кўчада нафас олиб бўлмайди. «Ҳамма топганини ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...