Хонқа ҳокими мақоми Олий суддан ҳам баландми?

Хоразм вилояти Хонқа тумани ҳокими Давлатов Мурадбек Сапарбоевич «суд ҳокимияти» деган тушунчадан мутлақо хабарсиз.  

45 ëшга кириб қўйган, Урганч давлат университети, Тошкент давлат иқтисодиёт университети¸ Ўзбекистон Республикаси Банк-молия академиясини хатм қилган бўлса ҳам Ўзбекистон Республикасида суд қарорини ижро қилиш ҳокимлик учун мутлақ мажбурият эканлигини билмайди. 

Бу саводи ғовлаган ҳоким Ҳазораспдаги бой отаси жўнатган пулга коридорда ўқиган дейишди.     

Менга қара, Мурадбек Сапарбоевич, суд қарорини, бўлибам Олий судни ҳурмат қилиш ва югуриб бориб ижро қилишга мажбурсан.  

Шуни яхшилаб икки қулоғингга қуйиб ол.  Давлат – бу ўйинчоқ эмас. Олий суд ўз қарорларини шунчаки эрмакка чиқармайди.  

Қолаверса, сен Хонқанинг хони ҳам эмассаан. Давлат хизматкорисан.  Мартаба жиҳатдан Олий суд сендан анча устун. Сен қоринжа бўлсанг, Олий суд фил! Тушундингми? 

Мана бу эса Олий суд ажрими. Аниқ ëзиб қўйибди. Ажримда Mastura Doniyor Doston фермер хўжалиги илтимоси қондирилсин, дейилган.  

Яъни бу фермернинг ерини бошқага бериш музлатиб қўйилди деганидир.  

Ҳоким тўра бўлса «Олий судинга палонимни қўйдим» дея олий суд карорини менсимай фермер ерини аукционга қўйди.  

Хонқа туман ҳокими Давлатов Мурадбек Сапарбоевич  алоҳида олинган территорияда ўзини яккаю ягона ҳукмдор деб санаëтган бўлса қаттиқ янглишади. 

Ўзбекистон ҳали буткул қароқчилар давлатига айланиб суд ҳокимиятини оëғига тош боғлаб дарëга чўктирилгани йўқ¸  

Хонқа тумани ҳокими Давлатов Мурадбек Сапарбоевичнинг давлатнинг олий органи бўлган суд ҳокимиятига қаршилиги моҳиятан давлатга хиëнатдир. 

Агар у ўқиган институтларда буни ўргатишмаган бўлса, бу қовоқ калла ҳокимга ақл ўртагиш яна Рассом Туз зиммасига тушди. @eltuz