Умида Ниёзовага ҳуруж қилган шарафсизнинг таноби тортилсин!

Фарғона вилоятидаги ва умуман водийдаги барча профессионал журналист ва зиëлиларга икки оғиз гапим бор.

Водий азалдан меҳмондўстлиги билан танилган.

Четдан келган одамнинг ëқасидан олиб «обончилик» қилиш, «шантаж» ва кимларгадир ëлланиб келган меҳмонни атай обрўсизлантириш ҳаракатлари ва погром водийликка ярашиқ иш эмас.

Фарғона вилоятида ўзига блогер деб ном қўйиб олган ғирт саводсиз ва тубан бир яратиқ Шухрат Эсонов Германиядан Фарғонадаги журналист Шарифа Мадраҳимованинг уйига атай меҳмон бўлиб келган Умида Ниëзовани ҳақорат ва сазойи қилгани факти жуда уят иш бўлди.

Ҳуқуқни ҳимоя қилувчи органлар бу «погром»га ҳуқуқий баҳо беради.

Лекин маънавий жиҳатдан Фарғона журналистлари ва халқини уятга қўйган бу шарафсизга насиҳат қилиш ва ҳаддини билдириш вилоят зиëлилари зиммасидаги вазифа деб биламан.

Умида Ниëзовага қилинган погром юзасидан Германия Ташқи ишлар вазирлиги ва Ўзбекистон аграр соҳасига инвестиция киритишга оид халқаро ташкилотлар ташвиш билдирди.

Бу шарафсиз «блогер» Ўзбекистон прездидентининг пахта мажбурий меҳнатига барҳам бериш бўйича қилган ишларини шубҳа остига қўйиб халқаро даражада мамлакат имиджини ëмонлашишига «ҳисса» қўшди.

Бунга стоп дейиш жоиз. Булоқ бошидаги итнинг ўлиги каби барча ичадиган сувни булғамасин.

Қадим ва меҳмондўст Фарғона зиëлиларининг бу вазиятдан жиддий хулоса чиқаришига ишонаман.

Элтуз Бош муҳаррири Қудрат Бобожон