28 март – кир ювадиган машина ихтиро қилинган кун

1797 йили АҚШда дунëдаги илк кир ювадиган машинага патент олинди. Шу тариқа бундан 219 йил аввал инсоният, хусусан, аëлларнинг кир ювиш машаққатидан қутулишига имкон яратилди.

АҚШнинг Нью-Ҳампширида яшовчи Натаниэль Бриггс 1797 йилнинг 28 мартида ҳаракатланувчи чорчўп билан жиҳозланган ëғоч қутини эслатувчи илк кир ювиш ускунасига патент олди.

1851 йилда АҚШ фуқароси Жеймс Кинг ноғорасимон айланувчи кир машинани патентлади. Бу машинанинг бугунги машиналарга ўхшаши айтилади. Фақат у қўл билан айлантирилган.

Калифорниядаги олтин изловчи уддабуррон ушбу машиналардан бир нечтасини бир ерга тўплаб, 12 та хачир айлантирган ғилдирак ëрдамида ҳаракатга келтириб, ўзига хос кирхона ярата олди.

АҚШ муҳандислари машина ичига кир ғижимлайдиган ўқловларни ўрнатиб, мукаммаллик сари яна бир қадам ташлашди.

Бу пайтга келиб Америкада эринмаган ҳар бир киши “кир машина” ихтиро қила бошлади.

1875 йилнинг ўзидаëқ Америкада кир ювиш ускуналари учун 2000 та патент олинган.

Бугунги “оромижон” кир машина прототипини эса 1900 йилда немис ширкати яратди.

Аввалига машина бензинли мотор билан ишлаган бўлса, 1908 йилда электрда ишлашга ўтди.

1949 йилга келиб мутлақ автомат тарзда ишлайдиган кир машина пайдо бўлди.

Инсоният қўлда кир ювиш каби машаққатдан қутилгани учун америкалик муҳандислардан миннатдор бўлса арзийди.

Eltuz.com