Document UZ
6 апрел 2018

Очиқ тендерлар бекор қилиниб, қурилиш объектлари ҳокимликлар қўлига ўтди

Президент Шавкат Мирзиёевнинг молия тизими ва тендер «ўйинлар»ини танқид қилгани ортидан Ўзбекистонда очиқ тендер савдолари бекор қилинди ва давлат объектлари қурилишига пудратчиларни танлаш вилоят ҳокимликлари ваколатига ўтди.

Бу ҳақда «Элтуз»га янги тартибдан хабардор қурилиш пудратчиси хабар берди ва журналистик суриштирув натижасида олинган расмий ҳужжатлар бўйича ҳам мавжуд фактлар тасдиқланди.

«Элтуз» ўрганган маълумотларга кўра, шу йилнинг 14 мартида Ўзбекистон Давлат архитектура ва қурилиш қўмитасининг №1927/10-04 сонли хатига асосан, смета қиймати 10 млрд. сўмгача бўлган уй-жойлар ва ижтимоий соҳа объектлари қурилиши бўйича очиқ тендер савдолари бекор қилинган ва пудратчилар фақатгина ҳокимликлар томонидан тавсия этилган қурилиш ташкилотлари орасидан танлаб олинади.

Ушбу ҳолат бўйича қўмитанинг 11 банддан иборат низоми ҳам фойдаланиш учун қабул қилинган. Мазкур низом ҳамда ҳокимликлар ва идораларга жўнатилган хатлар нусхаси «Элтуз»да мавжуд.

Янги тартибдан хабардор ўзбекистонлик қурувчилардан бири ҳам «Элтуз» мухбирига берган суҳбатида бу ҳолатни тасдиқлади.

«Ҳокимликлар очиқ тендерларсиз, ўзлари қурувчиларни тавсия қилиб, ўзлари танлашмоқда, бу эса бозор шароитида тадбиркорлар учун ягона рақобат муҳитининг бузилишига, қолаверса, маҳаллийчилик ва таниш-билишчиликнинг янада ривожланишига олиб келиши мумкин. Умумий айтганда, бу ҳолат олдин ҳам мавжуд бўлган коррупциянинг легаллашганидир», – деб фикр билдирди у.

Умид Эркин
Eltuz.com

Тағин ўқинг
27 декабр 2016
Телеграмда тарқалган видеода Тошкентнинг ТТЗ бозорида каллаи саҳарлаб тухум олиш учун навбатда турган тумонот одамни кўриш мумкин. Изохларга кўра, ...
12 сентябр 2016
Бош Вазир Шавкат Мирзиёев ўзининг муштумзўрлиги билан, шунингдек, Тошкентдаги аҳоли уй-жойларини, гаражларини бузиш, пойтахт аҳолисини оммавий тарзда шаҳар чеккасидаги ...
11 январ 2019
10 январь кунги селектор йиғилишида президент Мирзиёев ИИВ ишини қониқарсиз деб топди. Вазирликнинг ўнлаб раҳбар ходимлари ишдан олинди. Ўтган ...
18 апрел 2017
Даврий нашрларга обуна ихтиёрий экани айтиб келинадиган Ўзбекистонда чиқадиган газеталардаги мақолалардан аслида бунинг акси экани кўринади. Айни муаммо Жиззах ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...