Document UZ
31 январ 2024

У ҳақда 21 ҳақиқат

У

1. Шарқда машъал бўлган, кондинционердан тортиб ҳарбий учоққача ишлаб чиқариладиган юқори саноатли давлатни дунëга арзон ишчи кучи етказиб берадиган қолоқ ва хароб  ўлкага айлантирди.

2. Конвертацияни чеклагани ортидан иқтисод музлади ва пул босувчи станок ëнида турган саксонта оила миллиардерга айланди ва аксар аҳоли қашшоқ бўлди.

3. Исмида бек ëзилган миллат паспортига “тиланчи”, “қашшоқ” маъносидаги фуқаро тамғасини ëпиштирди.

4. Айнан у Ўзбекистон газини ўрис ва хитойга ўптим бериб, мамлакатни зимистонга айлантирди. 

5. Илмий текшириш ва бошқа ўнлаб илм даргоҳларини ëпди. Математик, физик ва муҳандислар мамлакатдан чиқиб кетди. Мамлакатни олтин каллалар тарк этиб, олтин тишли жоҳиллар эгаллади. 

6. Ўзбекистонда пахта қуллиги ва мажбурий меҳнатни энг аянч нуқтага олиб борди. Пахта мажбурий меҳнатига қарши чиққан фаол Умида Ниëзовани қамади. 

7. Иложсизликдан уйидан чиқиб кетиб Россияда кўча супуриб тирикчилик ва барқарорликни таъминлаëтган мадиркорлардан ошкора жирканди. Уларни камситди. Элчихона ва консулликлар четдаги ўзбек мардикоридан айнан унинг даврида юз ўгирди. 

8. Непотизмга асос солди. Қизлари, куёви, хотини саноқсиз қариндошлари мамлакатни ошкора талади. Гангстеризм, бировнингмулкини олиб қўйиш президент қизлари учун кундалик ишга айланди.

9. Ëлғон ва ëлғон матбуот айнан унинг даврида ривож топди. Эркин матбуотни ўлдирди. Мамлакатдаги илк мустақил Телекомпания Эй Эл Сини ëптириб, журналистларни мамлакатдан қувиб чиқарди. Мамлакат аҳолисини фақат ўрис телевидениясини кўрадиган зомби наркоманга айлантирди. 

10. Мамлакатдаги сиëсий эркинликни қассоб каби бўғизлади. Эрк ва Бирлик каби мухолифат лидерлари мамлакатдан қочди. Фаоллар қамалди. Муҳаммад Бекжон фақат Эрк лидерининг укаси бўлгани учун 18  йил қамоқда ўтирди.

11. Ўз хақини талаб қилиб чиққан андижонлик тадбиркорлар йирик калибрли пулемëтдан ўққа тутилиб қириб ташланди. Хотинлар, ëш гўдаклар Андижондаги Бобур майдонида отиб ташланди.

12. Мамлакат ва давлат хафсизлиги бир четда қолиб фақат талончилик ва сиëсий террор билан шуғулланадиган  МХХ – СНБ айнан унинг даврида яратилди.

13. Туркия¸ Тожикистон¸ Қозоғистон¸ Туркманистон Қирғизистон раҳбарлари билан аразлашиб, минтақада совуқ уруш ҳолатини яратди. Тожик чегараси миналанди. Миналарда ўлган юзлаб одамларнинг икки қўли унинг ëқасида.

14. 2005 йил Андижон қирғини ортидан мамлакат саноати ва ер ости қазилма бойлиги назоратини қўш қўллаб Россияга тутқазди.

15. Мамлакатда суғурта тиббиëти тизимига қаршилик қилгани оқибатида Ўзбекистон соғлиқни сақлаш тизими буткул ишдан чиқди.

16. Одамлар қалбидаги давлатга ишонч, мустақилликка ҳурмат ва эркинликка ошиқлик каби хислатларни ўлдирди. 

17. Мамлакат таълим тизимини ишдан чиқариб, миллионлаб саводсизлар армиясини етиштирди. 

18. Айнан унинг давридаги бошқарув элитаси ва икки қизи мамлакат олтинларини ташқарига олиб чиқиб ўмариб кетди. 

19. Айнан унинг буйруғи билан Тошкентдаги чинорлар кесилди. Шаҳрисабздаги қадимий бинолар йиқилди. Самарқанддаги Озодлик ҳайкали онтарилди. 

20. Айнан  унинг даврида бошқарувнинг авторитар диктатура шакли ягона маъқул тизим ўлароқ ерлашди. Парламент ва суд ҳукумати фалаж ҳолатга келтирилди. Демократия ерга кўмилди. 

21. Айнан унинг даврида етишган ўғри, қаллоб ва иккиюзламчилар бугун давлатни бошқармоқда. У ўлди аммо у яратган вирус давлатни емиришда давом этмоқда.

Ким у?

Тағин ўқинг
2 декабр 2015
Dokument рукнида Юрий Жуковский ва швед судида унинг Россиядаги дўсти сифатида таърифланган, Туркия ва Россиядаги ўзбек режими мухолифларига қарши ...
28 июл 2017
Прокуратуранинг Ўзбекистон ҳукуматига қайтарилиши кераклиги иддао қилинган Гулнора Каримова мулклари рўйҳатида дунёнинг бир қанча йирик мамлакатларидаги кўчмас мулклари, пул ...
27 январ 2020
Ўзбекистон молия вазири Жамшид Қўчқоров миллий иқтисодиётда хуфёна иқтисодиёт ҳажми, турли ҳисоб-китобларга кўра, 45 фоизни ташкил этишини билдирди.      “Аслида ...
8 феврал 2021
Самарқанд вилоятининг Пастдарғом туманидаги Боғишамол қишлоғига ҳали-ҳамон XXI аср шабадаси етиб борганича йўқ. Электр энергияси, газ бир ёниб, бир ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...