Асосий мавзулар
31 январ 2018

Муҳаммад Солиҳ: Иноятов Москвага боғланган одам эди

Ўзбек мухолифати лидери, “Эрк” демократик партияси раиси Муҳаммад Солиҳ “Элтуз” мухбири билан суҳбатда МХХ раисининг лавозимидан кетишини “Ўзбек халқи учун ижобий бўлган улкан сиëсий воқеа”, деб атади.

Суҳбат давомида Муҳаммад Солиҳ МХХнинг 31 январь куни ишдан олинган раиси Рустам Иноятовнинг ўзбек халқига нисбатан қилган репрессия кўламини тасвирлади.

“Иноятов укаларимни қамади, “Эрк” фаолларини қувғин қилди, қолаверса, менинг ўзимга уч марта суиқасд уюштирди. Аллоҳ кўмагида бу суиқасдлардан омон қолдим”, деди Муҳаммад Солиҳ.

“Элтуз” мухбирининг “Нега Иноятовни ишдан олиш учун Мирзиëевга бир йил зарур бўлди?” деган саволига жавоб берган Солиҳ ўз тасарруфидаги маълумотларга асосланиб, “Иноятов тарафдорларини заифлаштириш анча қийин бўлганини” айтди.

“Иноятов ишдан кетиш олдидан МХХ инвентаридаги 5 фоиз қуролни шахсий таркибга ноқонуний тарқатган, деган маълумот бор бизда. Яъни МХХ қурол захирасининг 5 фоизи Иноятов тарафдорлари қўлида бўлган. Уларда Иноятов тарафини олиб қуролли қаршилик қилиш режаси бўлган. Шу боис, Мирзиëевга Иноятовни кетказиш учун бир йил керак бўлди”, дейди суҳбатдош.

Баъзи мулозимларга кўра, Рустам Иноятов 1995 йилда Тошкент клани хоч отаси бўлган Темур Алимов (ҳозирда марҳум) кўмагида МХХ раислигига келтирилган. Яъни у Тошкент кланига боғлиқ бўлган. “Элтуз” билан суҳбатда Муҳаммад Солиҳ 31 январь куни ишдан олинган Рустам Иноятов “Москвага боғланган одам эди”, дея таъкидлади.

“Бу унинг КГБнинг Москвада бўлиб ўтган юз йиллик тантаналарида безбетларча қатнашганида яққол аëн бўлган эди”, дейди Муҳаммад Солиҳ.

31 январь куни МХХ раиси Рустам Расулович Иноятов ишдан бўшатилди. Бу ҳақда Ўзбекистон президентининг МХХ ва прокуратура ходимлари иштирокида ўтказган селектор йиғилишида маълум қилинди.

МХХ раиси лавозимига шу вақтгача Ўзбекистон Бош прокурори бўлган Ихтиёр Абдуллаев тайинланди.

23 йилдан бери МХХ раиси лавозимида ишлаб келаётган Рустам Иноятовнинг бўшатилиши Ўзбекистон президенти Шавкат Мирзиёевнинг МХХни очиқ танқид қилгани ортидан юз берди.

Eltuz.com

Тағин ўқинг
16 март 2017
Сўнгги вақтларда мамлакатда коррупция мавзуси фаол муҳокама этилаётганига ишора қилган Кun.uz сайти Kommersant.uz интернет нашрига асосланган ҳолда иқтисодчи эксперт ...
31 август 2018
Тошкентнинг Шайонтовур туман Маъмурий суди, 30 август куни таниқли ҳуқуқ ҳимоячиси, 67 яшар, Аъзам Турғуновни «ҳокимиятга бўйсунмаганлик»да айблаб бир ...
20 июн 2019
Республика бош прокурори Отабек Баҳриддинович Муродовнинг вазифасидан озод этилгани ва унинг ўрнига Ўзбекистон Сенати раиси бўлиб келган Ниғматилла Йўлдошев ...
4 феврал 2019
Тадбиркорликни ҳимоя қилиш шиорини кўтариб олган амалдорлар аслида ишбилармонларнинг саъй-ҳаракатларига энг катта тўсиқ бўлиб қолаётир. Хоразмда ўзи хон, кўланкаси ...
Блоглар
4 декабр 2019
(Муҳаммад Солиҳ ва Нуруллоҳ Муҳаммад Рауфхон суҳбатларини тинглаб) 1980 йиллар бошида раҳматли отам Мадамин Бек ...
27 ноябр 2019
Ўзбекистон Бош прокуратураси Тошкент шаҳри ҳокими Жаҳонгир Ортиқхўжаевнинг ижтимоий тармоқда тарқалгани аудиоёзувидаги ҳолатларни текшириш юзасидан ...
19 ноябр 2019
Матбуот хизматлари ва жамоатчилик билан алоқалар соҳаси бўйича таҳлиллар рукнимизнинг янги сонига катта эҳтиёж пайдо ...