Кўзқараш
27 октябр 2015

Қаерда яшаяпмиз ўзи?

Ҳеч телевизор кўрмайман. Лекин қандай қилиб бугун ишдан келиб телевизор пултини қўлимга олиб, Ўзбекистон телеканаллари бўйлаб “ўтлаб” кетганимни билмай қолдим.

Ҳамма каналда насиҳат, юртнинг обод бўлаётганию, йўлларнинг кенгаяётгани, халқнинг эртанги кунга ишончи тўхтамасдан ортиб бораётганию, коллеж ўқувчиларига саноқсиз иш ўринлари яратилаётгани ҳақида бошловчилар, чўпонлар, ўқитувчилар, талабалар тўлиб тошиб гапириб ётишибди.

Маҳаллий телеканалда нима гап экан деб, Андижон ТВга олсам, ваҳимали музика бошланиб турган экан. “Оббо, биров ўлдимикин?” деб турсам, йўқ, «Долзарб мавзу» номли кўрсатув бошланаётган экан. Экранда анжанликлар орасида ғаламис ва лаган лақаби билан танилган Ғайратбек Сирожиддинов деган “шестёрка” йигит журналист қиёфасида чиқди ва мавзуни эълон қилди.

Нима эмиш “2015 йилги кузги ва қишки мавсумда аҳолини электр энергияси билан таминлаш ҳакида”мишде… Унинг атрофида 6 нафар семиз семиз электросетнинг емахўр ходимлари ва бир капитан мақомидаги миршаб ўтирибди.

Тушунмадим, электр токига миршабнинг нима алоқаси бор? Ғаламис журналистимиз савол билан бошладилар. Саволни қаранг “долзарб”лигини! “Аввало электр энергиясидан фойдаланиш учун нималарга амал килишимиз керак?” деди журналист!

Саволнинг мағзини чақдингизми? Саволни эшитиб, бир қалқиб тушган бўлсам, жавобни эшитиб стулдан ағнаб тушдим! Бўқага ўхшаб кетадиган электросет ходимининг жавобини эшитинг: “Муҳтарам юртбошимизни фалон фалон қарорини кенг жамоатчиликка тадбиқ қилиш фуқароларга енгиллик яратиш мақсадида аҳолини электр энергиясини билан таминлаш жорий йилнинг фалон кунидан бошлаб график асосида бериб борилади!”

Г.Р.А.Ф.И.К нима ўзи? Ўзбекистонда яшаяпмизми ёки Сомалидами? Ёки уруш бошланганми бизда? Ўзлари биладиларми нима деяётганини булар?

Яна бир электросет ходимининг таклифини қаранг: “Ахолига бир мурожатим бор. Чой қайнатишда сифатсиз электр воситаларидан эмас, мана бундай тоза махсулотлардан фойдаланинг” деб, столини остидан битта янги ТЕФАЛ чойнагини олиб қўйса бўладими…

Ана шунда ҳам вақтдан ютарканмиз, ҳам ток оз кетармиш… Дарҳол телевизорни ўчирдим. Анчагача тарихдаги Ленинград қамали хақида ўйлаб ётдим негадир…

Ўшанда Ленинградликлар осмонда учиб юрган немис самолётлари шаҳарни кечаси кўрмасликлари учун ҳамма деразаларга қара парда илиб чиқишган экан.

Яъни, “Уруш бўляпти! Чироқ керакмас!” деб электр токи беришни хеч ким тўхтатмаган экан. Фақат чироқ нурини кечаси ташқаридан кўринмайдиган қилишга буйруқ беришган экан холос…

Биз қаерда ва нечанчи асрда яшаяпмиз ўзи?

Азиз,
Анжанлик блоггер
Eltuz.com

Тағин ўқинг
11 январ 2019
10 январь кунги селектор йиғилишида президент Мирзиёев ИИВ ишини қониқарсиз деб топди. Вазирликнинг ўнлаб раҳбар ходимлари ишдан олинди. Ўтган ...
21 январ 2016
ЎзТВ журналистлари Зафар ва Диëр Имомхўжаевлар олиб борган “Соккер клуб” ва “Футбол шарҳи” кўрсатувлари эфирдан олиб ташланди ва уларнинг ...
15 март 2016
Анқарада юз берган портлаш кўп қатори менинг ҳам юрагимни эзди. Турклар ва Туркия учун камситиш бўлган юз йил бурунги ...
10 май 2017
Жорий йилнинг март ойида Қорақалпоғистон Республикаси Олий суди (Ўзбекистон таркибидаги республика) 39 ёшли ҳуқуқ ҳимоячиси Аъзам Фармоновни озодликдан маҳрум ...
Блоглар
16 январ 2019
Лондондаги Шарқ ва Африка тадқиқотлари институти таҳлилчиси Алишер Илҳомов фейсбук саҳифасида Президент Шавкат Мирзиёевнинг Ўзбекистон ...
15 январ 2019
Ўзбекистонда Ватан ҳимоячилари куни нишонланди… бу эса болалар боғчасида олинган сурат… Нимага болаларга армия формасини ...
31 декабр 2018
Президент Мирзиёевнинг товуқ, эчки боқиб, лимон экиб даромад топиш популистик иқтисодий-сиёсати 2019 йил арафасига келиб ...