Вақт машинаси
25 феврал 2020

Мухолифатчи профессор Ботир Норбоев хотираси

Бугун ўзбекистонлик профессор олим ва мухолифат арбоби Ботир Норбоев вафот этган кун. У 2019 йилнинг 24 февраль куни 72 ёшида вафот этган, Тошкентнинг «Оқтепа» қабристонида дафн қилинган эди.

Шу куни қариндошлари, яқинлари, сафдош дўстлари уни сўнгги манзилга кузатишар экан, ижтимоий тармоқда ўз хотираларини ëзишди.

«У фан доктори бўлса-да, каримизмнинг узун қўллари ишдан ҳайдади. Бир неча ўғли ва хотини билан ишсиз қолди. Аммо у миллий фикридан қайтмади. Қозоғистон ва Туркия университетларида профессор бўлиб ишлади», дея фейсбукдаги саҳифада ëзилди.

Тўра Мирзо бир гуруҳ ҳамфикр дўстлари – Мамадали Маҳмуд, Бахтиёр Исабек билан марҳумнинг қабри бошида туришди.

1990-йилларда Норбоев Қозоғистонга кетишга мажбур бўлди. Дастлаб Чимкент шаҳридаги Жанубий Қозоғистон университетида талабаларга дарс берди. Кейинчалик «Туркистон тонги» газетасида ва Қозоғистон халқлари бирлиги жамиятида фаолият кўрсатди.

Умрининг сўнгги йилларида Туркияга кетган олим Норбоев Кастомону университетида «Туркистон адабиёти»дан дарс берди.

«Туркийлар учун ўрта тил масаласини кўтарардилар», дея хотирлайди Ботир Норбоевни таниқли журналист Карим Баҳриев фейсбукдаги саҳифаси орқали.

Асли хивалик бўлган филология фанлари доктори Ботир Норбоев миллий мустақиллик учун суронли кураш йилларида Тошкентда ўз шогирдлари билан бирга «Бирлик» халқ ҳаракатининг олдинги сафларида бўлди.

Eltuz.com

Тағин ўқинг
3 ноябр 2017
1 ноябрь куни АҚШ президенти Дональд Трамп грин-карт лотереясини бекор қилишга чақирди. Нью-Йоркда террорчилик ҳужумини амалга оширган Ўзбекистон ватандоши ...
31 октябр 2018
Ўзбекистон Марказий банки мамлакат аҳолиси ва корхоналарининг инфляция кучайиб бораётганидан хавотири ошаётгани ҳақида маълум қилди. МБнинг жорий йилнинг 3-чораги ...
3 октябр 2017
СНБ ни 2003 йилдан бери фош қилиб келаëтган Усмон Ҳақназаров 27 сентябрдан бери МХХ подвалида судсиз, сўроқсиз, сақланаётган Бобомурод ...
2 март 2017
1 март куни журналист Жамшид Каримов рухий ҳастахонадан озод қилинди. 49 яшар Жамшид ўтган йили ўлган Ўзбекистон президенти Ислом ...
Блоглар
18 январ 2021
Бор эканда йўқ экан, оч эканда тўқ экан, яқин-яқин замонларда ёт босқинчиларнинг юз йилдан кўпроқ ...
13 январ 2021
Кun.uz профессионалларни ишга қабул қилар эмиш. Катта маош, икки маҳал овқат. Сиҳатгоҳнинг ўзи-я! Бундай ишхонани ...
11 январ 2021
Таниқли шоир Баҳром Рўзимуҳаммад 60 ёшда Баҳром ака индамайгина олтмишга кирибди. Ботинан қаралганда, ундай эмас. ...