Собиқ воизнинг арзон алжираши

Каримов режими ҳосиласи бўлган “журналист” Шерзод Қудратхўжаев матбуотдаги чиқишида ўзбекларни “бензин қимматласа, дод-вой соладиган арзон одамлар”, деб атади.

У нега ўзбеклар катта-катта харж қилмайди, қиммат нарсаларни оғринмай олмайди, деган маънодаги гапларни айтиб таажубланади.

Ойдан тушдими бу одам? Ўқитувчи ва шифокор 100 долларга етар-етмас ойлик олса, у қандай қилиб минг-минг харажат қилсин.

Бир пайтлар Қудратхўжаев сиғинган диктатор Каримов Москвада кўча супураëтган ўзбеклардан ижирғанишини таъкидлаб, уларни “дангасалар”, деб атаган эди.

Қудратхўжаев ҳам бу риторикани давом эттириб, “хитойлик ва корейс тиришқоқ”, ўзбек эса танбал, шу боис унинг чўнтагида пули йўқ, дея ëзғиради.

Бундан илгари Қудратхўжаев «ёшлар ҳиди» ҳақидаги президент иборасини такрорлаб, «бу ҳид Қозоғистон ёки Хитойники каби бўлиши керак«лигини таъкидлаганди.

Тилингни тий, тирранча, дейдиган одам йўқми атрофда?

Франция қироличаси Мария Антуанеттага мулозимлар келиб, “халқнинг ейишга нони йўқ” дейишган.

Антуанетта эса ўйлаб ўтирмасдан, “Нони йўқ бўлса, торт еяқолишсин” (Let them eat cake!), деган эди.

Қудрат Бобожон
Eltuz.com