Cатира
17 март 2018

Салоевни «ўз айбига»га иқрор бўлишга адвокати ундаган

Журналист Бобомурод Абдуллаев билан бирга давлат тўнтаришида айбланиб судланаётган тадбиркор Равшан Салоевнинг адвокати ўз мижозини айбига иқрор бўлишга ва Абдуллаевга қарши кўргазма беришга ундаган.

Маҳкамада иштирок этган ва судланувчиларнинг яқинлари билан гаплашган тошкентлик ҳуқуқшунос ва яна бир фаол «Элтуз» нашрига шу ҳолат ҳақида билдирди.

«Элтуз» суҳбатдошларига кўра, судда ўз айбига қисман иқрор бўлган Равшан Салоевнинг адвокати Ирина Музалевская ҳимоясидаги шахсга тергов пайтидаги позициясини ўзгартирмаслик ва терговда Абдуллаевга қарши берган кўрсатмасини такрорлаши кераклигини айтган.

Бу ҳолатни суриштириш учун «Элтуз» мухбири адвокат Музалевская билан боғланди. Адвокат бу юзадан изоҳ бермаслигини айтди. Айни пайтда у савол қолиб, мухбирдан ким унга телефон рақамини берганини суриштира бошлади.

«Биз ҳозирча ҳеч қандай изоҳ беролмаймиз. Шу боис, ҳеч нарса гапирмаймиз. Фақат судьянинг муайян кўрсатмасидан кейингина бирор ахборот беришимиз мумкин. Ҳозирча ҳеч нарса. Чунки суд эндигина бошланди. Ҳатто Бобомурод ҳали оҳиригача ўз кўргазмасини бергани йўқ. Шунинг учун биз сизга ҳеч қандай маълумот бермаймиз», деди Музалевская «Элтуз» мухбирига.

Адвокат хоним Салоевнинг ўз айбига қисман иқрор бўлгани, терговда қандай кўргазма берган бўлса, айнан такрорлаганини тасдиқлади, бироқ ҳимояси остидаги шахс билан ўзининг ўртасида Бобомуродни айблаш учун қандайдир «келишув» бўлганини инкор этди.

«Салоев терговда ҳам, судда ҳам ўз айбига қисман иқрор бўлганини билдирди. Лекин келгусида нима деб кўргазма бериши ҳозирча номаълум», деди Музалевская.

15 март куни суд мажлисида бўлган ҳуқуқ фаоли Аъзам Турғунов Салоевнинг ўзини тутиши, айбини тан олиши унга анча шубҳали кўринганини айтади.

«Суддаги чиқишида Салоев залдаги судланувчиларни қўллашга келган жамоатчиликка қарата: «Биз ҳақимизда ҳар хил «саҳналаштирилган» ортиқча гап тарқатманглар», деди. Энди илтимос қилиб гапиряпти, лекин кўриниб турибди, унга кимдир, нимадир ўргатган», дейди ҳуқуқ фаоли.

Шунингдек, Турғунов судланувчиларнинг судда қатнашаётган адвокатлари орасида фақат Сергей Майоров астойдил ўз мижозини ҳимоя қилаётганини билдирди.

«Қолган адвокатларнинг оёқ олиши ғалати, бирор савол берсак, гўёки биз нонини тортиб олаётгандай, индамай тўрсайиб олишади, мақсади нима эканини билиб бўлмайди», дейди ҳуқуқ фаоли «Элтуз» мухбирига.

Журналист Бобомурод Абдуллаев, блогер Ҳаëт Насриддинов, тадбиркорлар Равшан Салаев ва Шавкат Оллоëров устидан кейинги суд мажлиси 26 март кунига белгиланган.

Миллий хавфсизлик хизмати ходимлари Бобомуродни шу йилнинг 27 сентябрида ўғирлаб кетган, орадан уч кун ўтиб, унинг ҳокимиятни ағдаришга уринишда айбланаётгани маълум бўлган эди.

«Элтуз» нашри «Усмон Ҳақназаров» тахаллуси остида 2003 йилдан буён танқидий мақолалар ёзиб келган журналист Бобомурод Абдуллаевнинг суди билан боғлиқ жараёнларни кузатишда давом этади.

Рассом Кирпи
Eltuz.com

Тағин ўқинг
2 феврал 2021
“Элтуз” қисқа ҳажвий анимацион фильмлар туркумини давом эттиради. Навбатдаги фильм ёзувчи Раҳимжон Раҳмат матни асосида тайёрланди. Муаллиф Қўқоннинг Каппонбозорида ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ҳамон ёпиқ сақланаётган Ислом ...
2 феврал 2017
Мирзиёевнинг “Ҳар бир хонадон 100 тадан товуқ боқишга мажбур” деган баёноти турлича талқин қилинмоқда. Қорақалпоққа сафари чоғида у тағин ...
6 апрел 2017
Ўзбекистон президенти Шавкат Мирзиëев 5 апрел куни Кремлдаги Ўзбекистон-Россия расмий делегациялари учрашувида Наманганда туғилган миллиардер Алишер Усмонов билан иссиқ ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...