Асосий мавзулар
17 апрел 2018

Мирзиëев “тоқатсизлик”ни тарғиб қилмоқчими?

Ўзбекистон президентининг диний-маърифий соҳа фаолиятини тубдан такомиллаштириш чора-тадбирлари тўғрисидаги фармонида соҳа ривожининг устувор йўналишлари хусусида тўхталиб ўтилган.

Фармондан иқтибос: “Жамиятда миллий ва диний қадриятларимизга ёт бўлган ғояларга нисбатан ТОҚАТСИЗЛИК МУҲИТИНИ шакллантириш”. (Тоқатсизлик муҳитини шакллантириш устувор йўналиш деб белгиланибди, хуллас.)

Ўзбекистон Конституциясидан иқтибослар:

“Ўзбекистон Республикасида ижтимоий ҳаёт сиёсий институтлар, мафкуралар ва фикрларнинг хилма-хиллиги асосида ривожланади. Ҳеч қайси мафкура давлат мафкураси сифатида ўрнатилиши мумкин эмас” (12-модда).

“Ҳар ким фикрлаш, сўз ва эътиқод эркинлиги ҳуқуқига эга” (29-модда).

“Ҳамма учун виждон эркинлиги кафолатланади. Ҳар бир инсон хоҳлаган динга эътиқод қилиш ёки ҳеч қайси динга эътиқод қилмаслик ҳуқуқига эга. Диний қарашларни мажбуран сингдиришга йўл қўйилмайди” (31-модда).

“Виждон эркинлиги ва диний ташкилотлар тўғрисида”ги қонундан иқтибос:

“Ўзбекистон Республикаси фуқаролари динга муносабатидан қатъи назар, қонун олдида тенгдирлар. Расмий ҳужжатларда фуқаронинг динга муносабати кўрсатилишига йўл қўйилмайди. Фуқароларнинг динга муносабатига қараб уларнинг ҳуқуқларини ҳар қандай чеклаш ва уларга бевосита ёки билвосита имтиёзлар белгилаш, душманлик ва адоват уйғотиш ёхуд уларнинг диний ёки даҳрийлик эътиқоди билан боғлиқ ҳис-туйғуларини ҳақоратлаш, диний зиёратгоҳларни оёқ ости қилиш қонунда белгиланган жавобгарликни келтириб чиқаради” (4-модда).

“Ўзбекистон Республикасида дин давлатдан ажратилган. Ҳеч бир динга ёки диний эътиқодга бошқаларига нисбатан бирон-бир имтиёз ёки чеклашлар белгиланишига йўл қўйилмайди” (5-модда).

Ўзбекистон Республикаси Жиноят кодексидан иқтибос:

“Миллий, ирқий, этник ёки диний мансублигига қараб, аҳоли гуруҳларига нисбатан адоват, муросасизлик ёки нифоқ келтириб чиқариш мақсадида миллий шаън-шараф ва қадр-қимматни камситишга, диний эътиқодига ёки даҳрийлигига қараб фуқароларнинг ҳис-туйғуларини ҳақоратлашга қаратилган қасддан қилинган ҳаракатлар…” (156-модда).

Айни шу фармоннинг ўзидан яна бир иқтибос:

“Жамиятда БАҒРИКЕНГЛИК, ЎЗАРО ҲУРМАТ, меҳр-оқибат, тинчлик ва тотувликни, ижтимоий-маънавий муҳит барқарорлигини таъминлашда диний-маърифий соҳа вакилларининг дахлдорлик ҳисси ва иштирокини янада ошириш”. (Тоқатсизликми ёки бағрикенглик, қайси бири?)

Фармонда устувор йўналишлар белгиланар экан, яна бир жиҳатга эътибор қаратилади.

Иқтибос: “Диний ва дунёвий билимлар уйғунлигини ривожлантириш асосида таълим сифатини ошириш, диний-маърифий соҳада малакали кадрларни тайёрлаш, қайта тайёрлаш ва малакасини оширишнинг яхлит тизимини яратиш”.

“Виждон эркинлиги ва диний ташкилотлар тўғрисида”ги қонундан иқтибос:

“Ўзбекистон Республикасида таълим тизими диндан ажратилган. Таълим тизимининг ўқув дастурларига диний фанлар киритилишига йўл қўйилмайди” (7-модда).

Сўзим сўнггида Конституциядан яна бир иқтибос:

“Президент Ўзбекистон Республикаси Олий Мажлиси йиғилишида қуйидаги қасамёдни қабул қилган пайтдан бошлаб ўз лавозимига киришган ҳисобланади”.

«Ўзбекистон халқига садоқат билан хизмат қилишга, республиканинг Конституцияси ва қонунларига қатъий риоя этишга, фуқароларнинг ҳуқуқлари ва эркинликларига кафолат беришга, Ўзбекистон Республикаси Президенти зиммасига юклатилган вазифаларни виждонан бажаришга тантанали қасамёд қиламан» (92-модда).

Хуршид Йўлдошев,
мустақил блоггер
eltuz.com

Тағин ўқинг
4 январ 2020
Денгизда шамол кўтариларкан, бу шамол кимнингдир елканини шишириб манзилига элтади. Кимнингдир кемаси эса шамолга чидай олмай ғарқ бўлади.  Кейинги бир ой ичида 68 ...
3 январ 2017
Туркиядаги тунги клубга ҳужум қилиб 39 кишини ўлдирган ҳужумчи қирғизистонлик Машрапов Яҳё экани гумон қилинмоқда. Турк матбуотига кўра, Машрапов ...
28 май 2018
Андижон вилоятида тадбиркорликни ривожлантириш мақсадида шу кунларда жисмоний ва юридик шахсларга ажратилаётган уч фоизлик кредитнинг манбаи коррупционерлардан мусодара қилинаётган ...
2 апрел 2018
Ўзбекистоннинг “Менинг юртим” телеканали 1 апрель куни ёшлар ахлоқи “фош қилинган”, яъни уларнинг истироҳат боғларида қўл ушлашиб юргани, ўпишгани ...
Блоглар
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...
18 май 2020
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...