Асосий мавзулар
18 сентябр 2018

Яна ўша “Автотест”

Ҳозир Ўзбекистонда ҳайдовчилик гувоҳномасига оид ҳар қандай жараён тўғридан-тўғри “Автотест” МЧЖга бориб боғланаверишига кўпчилик ўрганиб қолди.

Яқинда илгари ҳайдовчилик гувоҳномаси бекор қилинган ҳайдовчилар ҳам қайта ўқиш ва имтиҳон топширишни “Автотест”да амалга ошириши мажбурий қилиб қўйилганини эшитиб, бунга яна бир бор амин бўлдим.

Бир йил аввал танишим ичиб машина ҳайдагани учун ҳайдовчилик гувоҳномасидан айрилганини билардим.

Мавжуд қонунчиликка кўра, бундайлар қайта ўқиши ва имтиҳон топшириши керак. Лекин бирорта қонун ҳужжатларида улар “Автотест”да қайта ўқиши лозимлиги белгилаб қўйилганини кўрганим йўқ.

Шундай бўлса-да, танишимнинг айтишича, “Автотест”нинг сертификати бўлмаса, қайта ўқиганлик тўғрисидаги бошқа бирорта гувоҳнома ўтмас экан.

Маълум бўлишича, бир ҳафталик қайта ўқиш учун “Автотест”га энг кам иш ҳақининг икки баробари миқдорида ҳақ тўланади.

Бир вақтлар “Автотест” юридик шахсларга тегишли автомобиллар ҳайдовчиларини қайта ўқитиш учун монополистик ҳуқуқни айнан ҳукуматдан олганди.

Хусусий муассасанинг ҳукумат қарори билан бундай ҳуқуқ олиши ҳар доим ҳам кузатилаверадиган воқеа эмас. Ҳатто Ўзбекистонда ҳам…

Ижтимоий тармоқларда бу монополияга қарши кўплаб танқидлар ортидан айрим депутатлар ҳам ишга киришиб, “Автотест”нинг мазкур мақомини бекор қилишга эришилди.

Аммо ҳамон жойларда унинг монополиясига соя соладиган бошқа бирорта муқобил муассаса топилаётгани йўқ.

Аксинча, ҳайдовчилик гувоҳномаси бекор қилинганлар ҳам “Автотест”да қайта ўқиши мажбурий қилинганлиги бу МЧЖнинг қудрати ҳали сўнмаганини кўрсатади.

Айрим манбаларга кўра, “Автотест” МЧЖ Ўзбекистон президентининг матбуот котиби Комил Алламжоновга тегишли. Ўз навбатида, К.Алламжонов солиқ идорасининг бугунги кунда собиқ раиси, қудратли Ботир Парпиевга алоқадор шахс.

Зўрники тегирмон юрғизади, деб шуни айтсалар керак-да.

Баҳодир Шариф
Eltuz.com

Тағин ўқинг
26 апрел 2018
Андижон шаҳридаги 18-умумтаълим мактабининг 9-синф ўқувчиси 22 апрель куни ўсмирлар ўртасидаги ўзаро жанжалда пичоқбозлик қурбони бўлди. Мактаб жойлашган маҳалла ...
21 март 2017
Фарғонадаги ўрта мактабнинг биринчи синф ўқувчиларига дарс пайтида қўл кўтариб ҳақоратлаган ўқитувчи аёлга нисбатан жиноят иши қўзғатилган. Март бошида ...
17 октябр 2016
Сўнгги вақтларда Ўзбекистон матбуоти бош вазирнинг виртуал қабулхонасини салкам «адолат уйи»га тенглаштириб қўйди, десак хато бўлмайди. Ҳозир ҳар бир ...
16 ноябр 2020
Майли, нонкўрга чиқаринг, майли, душманга ва майли, провокаторга. Лекин мен ҳозир шунчаки фактларни констатация қилмоқчиман. Ушбу расмга қаранг. Кимдадир ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...