Cатира
2 ноябр 2018

Бухорода расмийлар Жириновскийни қучоқ очиб кутиб олишди

Владимир Жириновский бошчилигидаги Россия делегацияси 2 ноябрь куни Бухорога келди.

Россия Давлат думаси депутатларидан иборат делегацияни, ЎзА хабарига кўра, Бухоро халқаро аэропортида Ўзбекистон парламенти раисининг биринчи ўринбосари Содиқ Сафоев, Бухоро вилояти ҳокими Ўктам Барноевлар кутиб олишди.

Жириновский Марказий Осиё давлатларининг Россияга қўшилиши тарафдори эканини ўз баёнотларида очиқ шаклда билдириб келган рус миллатчиси сифатида танилган.

Унинг Ўзбекистонга келиши очиқлангач, «Эрк» демократик партияси баёнот тарқатиб, Президент Шавкат Мирзиёевдан Жириновскийнинг Ўзбекистонга «қилиши мумкин бўлган ҳар қандай сафарини» тақиқлашга чақирган эди.

Айни пайтда Жириновскийнинг Ўзбекистонга келиши бошқа ўзбек фаоллари ғазабини ҳам кучайтирди. 

«Жириновский доим ўзбекларни, туркийларни, мусулмонларни ҳақоратлаб, низо ва фитна келтирадиган бир радикалчи бўлса, унга қанақасига, юртимизга келишига рухсат берилди?» дея ёзди ўз мурожаатида ўзбек таҳлилчиси Анвар Назир.

Тармоқда Жириновскийни «норозилик намойиши билан кутиб олиш» чақириқлари янгради.

«Қани Бухоро, Самарқанд, Тошкент, Анжон, мард ўғлонлар борми? Жирик келишига қарши тинч намойишга чиқишга духи етадиган ўзбек борми 33 миллион халқ ичида?» дея ёзди Elsevar O’zbek ники остидаги фейсбук юзери.

«Қизиқ, бизнинг қанча мулозимларимиз, Жириновскийнинг юмшоқ ва илиқ қўлларини олишга чиқишаркан))) журналистларданч фотоларини кутамиз)» дея ёзди фейсбук блогери Nailya Rahman‎.

Владимир Жириновскийнинг Бухорога сафари ЛДПР лидерининг Ўзбекистонга илк расмий ташрифидир.

Рассом Туз
Eltuz.com

Тағин ўқинг
29 октябр 2020
Қўшни мамлакатларда бўладиган инқилобларни хушламайдиган Ўзбекистон 2010 йил апрелда Қирғизистон президенти Қурманбек Бақиев ҳокимиятдан четлатилишини ҳам совуқ қабул қилганди.  ...
4 ноябр 2020
​Фарғонада бир гуруҳ кўнгиллилар дайди ит-мушуклар учун махсус жойлар ташкил этилишини талаб қилмоқдалар. Уларнинг фикрича, ҳайвонларга меҳрли муносабатда бўлиш ...
22 декабр 2017
22 декабрь куни президент Мирзиёев Ўзбекистон Олий Мажлисида қилган бир неча соатлик жонли мурожаатида молия ходимларини «каламушлар» деб атади. ...
1 апрел 2019
Ўзбекистон расмийлари АҚШ Меҳнат департаменти ўзбек пахтасини болалар мажбурий меҳнати воситасида етиштирилган маҳсулотлар “қора рўйхати”дан чиқаргани тўғрисида фахр билан ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...