Document UZ
6 феврал 2022

«Психолог Наргиза Сатторовага туҳмат қилинаяпти»

У кўп гапларни ўзининг аудиториясидаги савол ҳамда муаммолардан келиб чиқиб гапираяпти (видеони тўлиқ кўришни тавсия қиламан).

Тренингда эрга тегишни ҳоҳламаётган лекин у онаси тарафидан эрга тегишга мажбурланаётгани хақида гап кетди. Кейин, бошқа қиз «оила қуриш шартми» деган маънода савол берди.
Психолог бу саволга аниқ жавоб беролмаслигини, бу нозик савол эканини айтди. Чунки, ҳамманинг ички дунёси ҳар хил бўлади. Ва тренинг интерактив кўринишда бўлгани учун психолог бу саволни ўртага ташлади.
Психолог оила керак эмас демади!!! Оила нега керак дея савол берди!!!
Оиланинг ўз функцияси бор, албатта. Мажбуриятлари ҳам бор. Психолог буни жудаям яхши билади. Лекин, биздаги муаммолардан келиб чиқиб айнан шу саволни ўртага ташлаяпти. Бизда эса калтак еб оиласини сақлашга уринадиганлар кўп.
Психологнинг оиланинг ҳосил бўлиш тарихини узоқдан келиб гапиргашидан мақсад, аввалги мухтожлик бн хозирги мухтожлик бир хилми, хозир ҳам мухтожликлар борми, улар нималардан иборат, деган саволларга жавоб топиш эди. Яъни “оила қуриш нега керак?” деган саволга аниқроқ жавоб бериш.
Одам ўзига бундай савол бериши мумкин эмасми? Ёки бу саволга нотўғри жавоб олиб ўша жавобни ҳазм қилиб кетавериш керакми? Шуми бизни миллийлигимиз? Ёки ортиқча савол бермаслик бизни менталитетимизми?
Ёки ҳар бир ўзбек аёли эрга тегишидан олдин хўрланишга тайёр бўлиши керакми? Наҳотки, бизни қадриятимиз шу бўлса?
Кўпчиликни шу саволлардан олинадиган жавоб қўрқитаяпи, аслида. Чунки, жамиятимизнинг ҳамма касалини юзага чиқаради саволлар.
Ёшларда оила қуришга нисбатан ишончлсизлик ёки нафрат пайдо бўлаётган бўлса, бунда психолог айбдор эмас.
Бизда оила қуришни истамайдиган ёки ажрашаётган одам одатда ўзбек оилаларидаги нохақликлар, зуғумкорлик ва мантиқсизликларни сабаб қилиб келтиради.
Шу учун, “Оила қуришга мен тайёрманми?”, “Оила қуриш менга керакми?”, “менга эр ёки ҳотин нега керак” деган саволни ҳамма ўзига бериши керак ва бунга ҳамманинг хаққи бор.
Ҳеч қачон ўзингизга бундай ноқулай ва ўткир саволлар беришдан чўчиманг. Унга жавоб излашдан ҳам чўчиманг.
Оила қуришга ҳали тайёр бўлмай туриб уйланадиган ёки эрга тегадиган қизлар жуда кўп. Натижада, олдини олиш мумкин бўлган хатоликлар қилишади.
Ҳар хил псевдодиндорлар ва псевдоморалистларнинг танқидларига қулоқ тутманг.
Ислом, албатта, инсон жуфти билан яралади дейди, оила қуриб насл қолдириш кераклигини айтади. Лекин, оила қурмай яшашни таъқиқламайди ва оила қурмаганларни жазоламайди. Исломнинг бизга меҳрибонлиги бу.
Миллий қадриятлар ҳам бизни муаммолардан сақлайди. Лекин, унга ҳам кўр-кўрона амал қилиш бизни баҳтсиз қилиши мумкин.
Динимиз ва миллий қадриятларимиз бизни индивидуал жихатларимиз, фикрлашимиз ва истакларимиз билан ишламайди. Бу билан психология фани ишлайди. Афсуски, бу фан бизда энди куртак очаяпти. Оила институти ҳали яхши ишламайди.
Оила ва муносабатлар психологияси хақида ҳаммада озгина тушунча бўлиши керак. Бундан фақат ютасиз. Ўқинг, ўрганинг, саволлар беринг ва устингизда ишланг. Мана шу баҳт калити. Психолог Наргиза Сатторова мана шуларни жон куйдириб гапирди. Гарб қадриятларини киритаяпти, Исломга қарши чиқаяпти деган гаплар эса – туҳмат.
Мана бунақа радикаллар эса вазиятни фақат оғирлаштиради.

Нодира Муса Исмоил

Фейсбук тармоғидан

Тағин ўқинг
27 сентябр 2016
«Санъатимиз қироли Шерали Жўраев, Ўзбекистон Халқ артисти Юлдузхоним Усмонова, Ўзбекистонда хизмат кўрсатган артист, дўстимиз Обиджон Асомовлар яна катта саҳналаримизга ...
24 август 2018
Рашид Қодиров даврида шаклланган прокурорлар ҳали от устида ва улар узоққа борадиган кўринади. Улар узоқ йиллардан буён қўллаб келаётган ...
25 март 2021
Президент Шавкат Мирзиёевнинг Шоввозсойдаги махфий қароргоҳи мавзусини илк бор кўтариб чиққан тошкентлик фаол Алексей Гаршин шахсига таҳдидлар қилинмоқда. Бу ...
25 июл 2016
XIV аср оëқлаган пайтда Бухоронинг нақшбандий уламолари “ë Оллох дўст, ë Оллоҳ” дея саловат айтароқ совуқ Сибирга йўл олишди. ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...