Асосий мавзулар
12 декабр 2023

Юлдузнинг собиқ эри Бахти ўғрига қарши «показание» берди

Юлдуз Усмонованинг собиқ фуқаровий эри, “Шайтон” ва “Гиф” лақаблари билан машҳур йирик тадбиркор Фарҳод Тўлаганов Ўзбекистондаги ягона “вор в законе” Бахти Ташкентский лақабли Бахтиёр Қудратуллаевга қарши кўрсатма берди.

Бу ҳақда Элтузга тергов жараёнига яқин ҳуқуқ-тартибот идораларидаги манба маълум қилди.
Фарҳод Тўлаганов “вор в законе” ишини юритаётган терговчиларга Бахти Ташкентский 2023 йилда ўнлаб минг доллар миқдорида тамагирлик қилганини айтган.

Фарҳод “Шайтон” берган бу кўрсатма Бахти Ташкентскийни расман Ўзбекистон Жиноят Кодексининг 165 моддаси 3 қисми билан айблашга асос бўла олади.

Ҳам Бахти Ташкентский ва ҳам Фаҳод Тўлаганов “Долзарб – 40 кунлик” махсус профилактик тадбирларнинг илк кунларида – 28 ва 29 ноябрда ҳибсга олинган эди.

Элтуз ихтиёрига келиб тушган ҳужжатларда 29 ноябрь куни Тошкент шаҳар Яккасарой туман суди 52 яшар Бахтиёр Қудратуллаевни МЖтКнинг 183 ва 194 моддаси 1-қисмида назарда тутилган ҳуқуқбузарлик ҳолатларини содир қилганликда айблаб, 15 сутка маъмурий қамоқ жазоси тайинлаган эди.

Кейинчалик Тошкент ИИББси Бахти Ташкентскийга нисбатан Ўзбекистон Жиноят Кодексининг 165-моддаси 3-қисми (жуда кўп миқдорда товламачилик) ва 276-модда 2-қисми (кўп миқдорда гиёҳвандлик воситаларини сақлаш) айбловлари илгари сурилганини билдирди.

Агар судда тасдиқланса, Бахти Ташкентский биринчи модда бўйича ўн йилдан ўн беш йилгача, иккинчи модда бўйича уч йилгача озодликдан маҳрум қилиш билан жазоланади.

Фарҳод Тўлагановга эса, Элтуз манбаларига кўра, Жиноят Кодексининг 167-моддаси (Ўзлаштириш ёки растрата йўли билан талон-торож қилиш) билан айблов илгари сурилган.
Фарҳод Тўлаганов узоқ йиллардан буён турли можаролар марказида бўлиб келади.
У 2000-йиллар бошида қисқа муддат артист Юлдуз Усмонованинг фуқаровий эри бўлган.

Тағин ўқинг
14 май 2021
Манам Мажнун беҳуддек гадолар бўлмасам бўлмас, Кийиб жанда, кулоҳ, ғамда адолар бўлмасам бўлмас. (Ҳамза) Жадид отамиз Ҳамза Ҳакимзода ижоди ...
23 январ 2018
World Politics Review онлайн журналида муаллиф кўплаб шарҳловчилар «ўзбек илиқлиги» дея атаётган сўнгги воқеалар таҳлили ҳақида мақола эълон қилди. ...
25 сентябр 2015
– Дунёда икки юздан ошиқ давлат бор, деярли барчасида тинчлик, саноқли давлатлардагина маълум сабабларга кўра нотинчлик холос. Юртимиз юз ...
18 январ 2016
Тошкент ҳукумати АҚШ ва Европа ҳуқуқ тизимлари Гулнора Каримованинг коррупция ва пул ювиш жиноятларига алоқадорлик гумони билан музлатиб қўйилган ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...