Кундалик
15 ноябр 2015

Ғўзапоя ойлигимиз…

Бу йил пахта тера олмадим, деб «хафа бўлиб» юргандим. Лекин кеча синфдошим Қадамбойнинг ғўзапоясини (поқолини) теришгани кўмакка (ёрдамга) борганимда бу ишни қилдим, тўғриси қилишга мажбур бўлдик.

Бунинг учун очкўз фермерга катта раҳмат! Бошидан тушунтирай… Ҳавонинг бузуқлигига қарамай, ерталабдан далага яёв жöнадик. Сабаби йўллар ёмон.

Буғдой экилган пахта даласидаги синфдошимнинг бир гектар еридаги ғўзапоясини 9 кишилик жамоа ўриб, боғлаб, олиб кетишга тайёр қилдик.

rasm521
Ёмғир ёғабергач, ишимизни ҳам, ишини ҳам чала ташлаб қайтдик…

Буғдой экилган далага транспорт, от-арава киритиб, (буғдойга зарар етказиш мумкинмаслиги учун/:-)/, даладан 1000 боғдан зиёд ғўзапояни қўлда қатнаб олиб чиқсак бўлди, деб турсак, фермернинг иш бошқарувчиси келиб, «ғўзапоянгдаги пахталарни териб чиқинглар, кейин ғўзапоянгни олиб кетасан, бўлмаса йўқ!» деса бўладими…

Фермерга чақишган… Ана шармандалик! Боғлардан пахта тердик! Очилиб қолган кўсаклар ҳам оз эмас экан! Бир пастда бир қанор (икки қоп сиғимидаги халта) пахта тердик!

Уни ҳам дала шийпонга олиб бориб топширдик. Ёмғир ёғабергач, ишимизни ҳам, ишини ҳам чала ташлаб қайтдик…

«Пахта – бойлигимиз, ғўзапоя – ойлигимиз» деган гап бор Хоразмда, балки сизда ҳам бордир, а?

Хуллас, энди фермерлар шу ойлигимизга ҳам кўз олайтира бошлашди: пахта чопиғи учун 1 гектар ерга эга ишчилардан 50-80 боғ ғўзапоя олиб қолади.

Газ умуман йўқ, электр узилиб келадиган, дарахтлари, боғлари чопилиб деярли тугаган қишлоқимизда, элнинг қаҳратон қишдан омон чиқарадиган нажотларидан бири бу ғўзапоя.

Бир вақтлар газни қорамолга ем пишириладиган ўчоқларда борича ёқиб қўярдик (айнан бизнинг оила эмас). Бугун шуларнинг уволи тутаётгандир балки…

Мурод Бекжонов
Eltuz.com

Тағин ўқинг
16 август 2023
14 август куни Тошкентда репортаж тайёрламоқчи бўлган Зўр.ТВ журналистлари Нурзодбек Воҳидов ва Сардорбек Йўлдошевларни калтаклаган қурилиш бошқарувчисига чора кўрилди. ...
30 октябр 2023
Мирзиёевнинг Қашқадарёга ташрифи олдидан пахта терими бўйича Қашқадарёда режа бажарилгани ҳақидаги маълумот аслида қўшиб ёзилгани айтилмоқда. Қашқадарё вилояти пахта ...
3 феврал 2020
Ўқитувчиларни мажбурий меҳнатга жалб қилишда узоқ йиллар жонбозлик кўрсатиб келган Андижон вилояти ҳокими Шуҳратбек Абдураҳмонов “Халқ таълим ҳомийси” кўкрак ...
2 май 2023
Наманган вилояти  Поп тумани Чодак қишлоғида яшовчи Дониёр Тўрахўжаев босқинчиликда гумонланган 40 яшар укаси Дилшоджоннинг 12-15 апрель кунлари Тошкент шаҳар ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...