Асосий мавзулар
18 апрел 2020

Ўзбек киночилари ўз раҳбарини коронавирусдан фойдаланганликда айблашди

«Элтуз» таҳририятга жорий йилнинг 14 апрель куни бош вазир Абдулла Арипов номига юборилган жамоавий мурожаат нусхаси келиб тушди.

109 нафар ўзбек кино арбоби имзолаган бу ҳужжатда 2019 йил сентябрида «Ўзбеккино»га раҳбар этиб тайинланган Фирдавс Абдухолиқов ўзининг волюнтаристик ҳаракатлари билан ўзбек кинематографиясини бутунлай ботқоққа ботираëтганидан шикоят қилинади.

Мактубда Фирдавс Абдухолиқов коронавирус пандемиясини баҳона қилиб одамларни ишдан бўшатаëтгани ва агентлик мулки бўлган киноларни ўз тасарруфидаги телеканналарга текин улашаëтганидан хавотир билдирилади.

16 апрель куни «Дарё» ва «Ҳюман.ўз» сайтларидан сирли тарзда ўчиб қолган бу мурожаат 17 апрель куни яна шу сайтларда қайта тикланди. Камига «Кун.ўз»да ҳам чиқибди.

18 апрелга келиб, «Элтуз»нинг «Ўзбеккинода»ги манбасига кўра, киночилар икки лагерга ажралишган, шикоятга имзо чеккан айрим шахслар эса ўз имзоларини қайтиб олишганини билдиришмоқда.

Киночилар шикояти билан танишган фаол Фарҳод Акбаров “Киночиларнинг бошлиғи ёмон бўлса, яхши киночилар қани?” дея савол қўяди.

“Киночиларнинг ўзи ёмон бўлса, яхши бошлиқ қани?

Ҳар иккиси яхши бўлса, яхши кино қани !?

Ҳар иккиси ёмон бўлса, булар нега ва нимани талашмоқда?

Бюджетдан ажратилган миллиардлаб пулларни нимага сарфлашмоқда?

Нега деҳқон фойда-зарарни гарданига олиб яшаши керак?

Киночи деҳқоннинг пулига санъаткор бўлиб, нега халқни дидсизликда айблаши керак?

Нима учун уларни хусусийлаштириш ҳақида ҳеч ким ўйлаб кўрмайди?

Санъатнинг барча жанр ва йўналишлари хусусийлаштирилсагина ҳақиқий иқтидорларга эҳтиёж туғилади, ҳақиқий санъат асари дунёга келади.

Амалдорнинг боласи амалдор бўлиши мумкин, аммо амалига лойиқ бўла олмайди.

Шунингдек, санъаткорнинг фарзандлари ҳам ота-онаси каби юксак санъаткор бўлиши мумкин эмас.

Яъни кўлмак куни келиб денгизга, уммонга айланиши мумкин, аммо уммон ўзидан каттароқ яна бир сув ҳавзасига айланиши мушкулдир”.

«Элтуз» ўз ўқувчилари диққатига ўзбек киночилари бош вазирга йўллаган мактубни тўлалигича тақдим қилади. Ўзингиз ўқиб хулоса чиқаринг.

Илова: Бош вазирга мурожаатнинг ПДФ матни.

eltuz.com

Тағин ўқинг
26 август 2016
Ўз томорқасида мева сабзавот етиштирган деҳқонларнинг ҳосилини эркин сотишига рухсат берилмаётгани, уларга милиция ва кучишлатар идоралари орқали босимлар кўрсатилаётгани ...
29 сентябр 2016
«Ҳуррият» газетаси (28.09) яна ахборот хуружи мавзусига эътибор қаратди. Бу сафар эркин кузатувчилар ва мустақил нашрларнинг амалдаги бош вазир ...
3 октябр 2018
Ўзбекистон президенти маъмурияти раҳбари ўринбосари, президентнинг матбуот котиби Комил Алламжонов эгаллаб турган лавозимидан озод қилинди. Бу ҳақда “Элтуз” билан ...
9 ноябр 2018
Инсон бахтли бўлиши учун нима қилиши керак? Севган ёрини топиши керак дерсиз? Лекин Фарғона вилояти раҳбарлари бундай деб ўйламайди. ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...