Банкларимиз шунчалик зўрми?

Хусусан, «XXI аср» газетасининг ёзишича, 2015 йилда Ўзбекистон банк тизимининг жами капитали 2014 йилга нисбатан 23,3 фоиз кўпайиб, 7,7 триллион сўмга етган. Сўнгги беш йилда бу кўрсаткич 2,4 баробар ўсган.

«Мамлакатимиз банк тизими капиталининг етарлилик даражаси қарийб 24 фоизни ташкил қилади ва бу умумқабул қилинган халқаро стандартлардан 3 марта, ликвидлик даражаси эса энг юқори индикатор кўрсаткичлардан 2 марта кўпдир», дейилади газетада.

Банкларимиз шунчалик зўр экан, нега нақд пул танқислиги бунчалик юқори, нега кредит олиш бунча қийин, нега эркин муомалада валюта йўғ-у, лекин кишилардан машина сотиб олишда валюта талаб қилинади, нега тадбиркорлар банкларга ишонмайди каби саволларга жавоб топиб бера оладиган мард ҳам топилса эди!

Eltuz.com