Кундалик
13 май 2016

“Автомобил қироли” қандай қилиб келажакка парвоз қилди

Кино кўришни севаман. Айниқса фантастик трагикомедия жанридаги киноларни. Кеча Роман Артемьев суратга олган “Человек из будущего” деган кинони кўрдим. Кинони мазмунини гапириб кино бозорини касод қилиш иштиëқим йўқ. Фақат кино слоганини айтаман холос. Кино «Все ошибаются и это нормально!» (Барча янглишади ва бу одатий хол) деган шиор устига қурилган.

Қизиғи шундаки, “Барча янглишади ва бу одатий хол” деган гапни Бош вазир ўринбосари Улуғбек Рўзиқулов автосаноатга оид нашрлардан бирида ишлайдиган журналист оғайнимга айтибди.

rasm1389
Ўз ТВ 11 май кунги кўрсатувида 14 майдаги тадбирда нутқ сўзлаётган Рўзиқуловни кўрсатди

Оғайнимнинг айтишича, Бош вазир ўринбосари 104 миллион икки юзминг АҚШ доллари миқдоридаги сармоя “ухлатилганини“ янглишиш деб билибди.

Ҳар холда GM Uzbekistan 2016 йил май ойида янги Chevrolet Aveo моделини ишлаб чиқаришни бошлаши лозим эди, аммо машина чиқмади.

Янги T250 платформа асосида ясаладиган автомобиль ишлаб чиқаришни йўлга қўйиш учун корхонага киритилган 104,2 млн доллар инвестиция оффшордаги “кисса” га кетгани типратиконга ҳам аëн.

Аммо терговчилар саволномаларини детектив роман каби ўқиëтган Рўзиқулов “балонинг ўқидай” ишлаб юрибди дейди оғайним.

Ўзбекистон телеканали эса 11 май куни келажакдаги Рўзиқуловни намойиш қилди.

Рўзиқулов 14 майда (?) очилган экофорумда нутқ сўзлади.

Техника мўъжизасини кўрганмиз, битта машинанинг икки марта сотилганини ҳам тушунамиз, аммо қандай қилиб 14 май кунги тадбирда 5 кун олдин қатнашиш мумкинлигини англашга тафаккуримиз ожизлик қилди.

Нима ҳам дердик «Все ошибаются и это нормально!»

Али Қушчи,
Eltuz.com

Тағин ўқинг
14 сентябр 2020
Ўзбекистонда 14 сентябрдан бошлаб айрим мактаблар анъанавий тарзда навбатдаги ўқув йилини бошлади. Тошкент шаҳри халқ таълими бошқармасининг хабар беришича, ...
30 июн 2021
Тожикистон томони “Толибон” таъқибидан қочаётган афғон ҳарбийларига бошпана таклиф этмоқда, аммо Ўзбекистон расмийлари бу борада қаттиқроқ позицияда турибди.  Икки ...
22 феврал 2019
Ички ишлар вазирлиги “Элтуз”да “Ғаллаороллик йигит ИИБ ходимлари уни таҳқирлашганини билдирди” сарлавҳаси билан тарқатилган мақолага муносабат билдириб, унда келтирилган ...
14 июн 2022
Бугун Элтуз порталида муҳокама қилмоқчи бўлганимиз шикоятлар мавзуси Ўзбекистонда сақланиб қолган мажбурий меҳнат ва таълим тизимида юзага келган муаммоларга ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...