Пушкинхонлик тадбирида Шекспир асари намойиш этилди
Фарғона шаҳрининг Фарғонадаги истироҳат боғида ўтказилган Пушкин таваллудига бағишланган тадбир Шекспирнинг “Ромео ва Жулеьтта” асари асосида саҳналаштирилган томоша билан якунланди.
-Ҳар бир туман ва шаҳардан рус тилини яхши биладиган бир нафар ўқувчи, бир нафар рус тили ўқитувчиси, РайОНО методисти иштирок этиши шарт бўлган тадбирда ўқувчилар Пушкин шеърларидан ўқиб, унинг ҳаёти ва ижоди ҳақида йиғилганларга маълумот беришди,- деди тадбир масъулларидан бири.
Унинг Eltuz.сom нашрига билдиришича билдиришича, шоир ижодида мавзулар кўлами ғоят кенг. Ватан, бахт ва қувонч, ёшлик, муҳаббат баланд пардаларда куйланган. Пушкин асарлари Чўлпон, Усмон Носир, Ҳамид Олимжон, Зулфия, Абдулла Қаҳҳор, Миртемир сингари ўзбек шоир ва ёзувчилари томонидан ўзбек тилига таржима қилинган.
Жаҳон адабиётининг буюк намояндалари қатори Пушкин ижоди, адабий мероси Ўзбекистонда юксак қадрланади. Умумтаълим муассасалари, олий ўқув юртларида шоир асарлари ўрганилади.
Бироқ тадбир мутасаддилари, Пушкиннинг бошқа бир даврда, бошқа бир мамлакатда, бошқа бир кунда таваллуд топган англиянинг буюк адиби Шекспирга нима даҳли борлигига изоҳ беришмади, балки бу Ўзбекистонда халқ таниган Шекспир, Байрон, Бальзак, Гомер сингари даҳолар таваллудига бағишланган кунларнингҳам ўтказилишига эҳтиёж сабабидандир.
Насима Даврон қизи
Eltuz.com