Кундалик
24 июн 2016

Театр кўчасида рўй берган “ўзбек фожеаси”

21 июн куни ўшлик Рустамжон Турғунов исмли 33 яшар ўзбек ўзи билан бирга Фотихдаги арзон меҳмонхона (Malabadi Beyazit Hotel)да яшаган тўшакдоши 44 яшар ўзбекистонлик Гулчеҳра Маҳамаджонованинг томоғига пичоқ тортти.

Дод-вой бошланиб меҳмонхонага полиция кириб келганида Рустамжон айни пичоқ билан билак томирларини кесиб ташлади.

Истанбул полицияси тарқатган ҳабарга кўра воқеа жойига зудлик билан етиб келган тез ëрдам машинаси, қонига беланган икки ўзбекни касалхонага етказган.

Ярадор жуфтликнинг аҳволи оғир экани ҳам айтилмоқда.

Eltuz.com мухбири воқеа содир бўлган меҳмонхона ҳодими билан гаплашди. Ҳодимнинг айтишича ҳодиса соат кундузги учларда содир бўлган:

“Буларни отелдан чиқадиган вақти келган эди. Ўзи соат 12 да ҳисоб-китоб қилиб кетишлари керак эди. Чиқавермагач, хабар олай деб эшикни қоқдим. Эшик очиқ экан ичкари кирдим. Қарасам ҳамма ëқ қон. Ўртада ўзбек хотин қора-қонга беланиб ëтибди. Дархол полиция чақирдим, жуда кўп полиция келди. Учта машинада келишди”, – дейди суҳбатдош.

Истанбулнинг Театр кўчасидаги меҳмонхонасида содир бўлган воқеа юзасидан Фотиҳ мавзеси полицияси суриштирув олиб бормоқда.

Россия, Қозоғистон ва Жанубий Корея каби мамлакатларни тўлдирган ўзбекистонлик меҳнат муҳожирлари бугунги кунда тирикчилик илинжида Туркия шаҳарларини ҳам “ишғол” қилмоқда.

Россия матбуотида ëритилавериб сийқаси чиққан “жиноятчи ўзбек” мавзуси шу кунларда турк матбуотига кўчмоқда.

Eltuz.com

Тағин ўқинг
26 март 2016
Ўзбекистон баҳсли бўлиб турган Чаласарт ҳудудига ҳарбий техника ва аскар киритгани муносабати билан Қирғизистоннинг Тошкентдаги элчиси маслаҳатлашувлар учун Бишкекка ...
4 май 2018
Туркия президенти Ражаб Тоййиб Эрдўғон 30 апрель кунги ташрифи чоғида сўзлаган нутқида Ўзбекистонни ўз ота юрти дея таърифлади. “Ота ...
28 январ 2018
Машҳур хонанда 49 яшар Дониёр Тошмуҳаммедов 26 январдан Тошкентнинг Учтепа туманидаги «Истирохат» кўчасида жойлашган, Абдулҳамид Ҳожи масжидида имомлик қила ...
22 октябр 2015
Бугун эрталаб таксида ишга кетаётган маҳалимда,мени қитмирлигим ишга тушиб ҳукуматни ва сиёсатни мақташга тушдим. Шу маҳал такси ҳайдовчиси менга ...
Блоглар
6 ноябр 2019
Яқинда “Шарқ зиёкори” китоб дўконидан улуғ рус ёзувчиси Лев Толстойнинг “Жахон бестселлерлари” ( аслида “жаҳон” ...
3 ноябр 2019
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
16 октябр 2019
Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь ...