Кўзқараш
11 июл 2016

Акция: #МенАйтишданҚўрқмайман

Украина ва Россия ижтимоий тармоқларида мақсади аёллар ва қизларга нисбатан қилинган шилқимлик ва жинсий зўравонликка жамоатчилик эътиборини тортишга қаратилган акция ўтказилмоқда.

«Бугун биз, аёллар гапиришини истаймиз. Бизнинг аксариятимиз бошидан кечирган зўравонликлар ҳақида гапиришимиз муҳим. Биз ўзимизни оқлаш ҳақида гапиришимиз шарт эмас. Чунки биз ўзимизни оқлашга ҳаракат қилишимиз шарт эмас. Биз айбдор эмасмиз, айбдор ҲАР ДОИМ зўравон-тажовузкордир. Мен айтишдан қўрқмайман. Зеро, мен ўзимни айбдор ҳисобламайман», деб ёзди ўзининг ижтимоий тармоқдаги саҳифасида тадбир ташаббускори, украиналик журналист Анастасия Мельниченко.

Интернетдаги акция ўз ҳаётида жинсий зўравонликка учраган аёллар ҳақидаги ҳикоялар тўлқини қалқишига сабаб бўлди.

#‎Менайтишданқўрқмайман ‬ — бундай дейиш нотўғри, мен қўрқаман. Мен эндигина 15 ёшга тўлгандим, ёшим каттароқ кўринарди, жинсий яқинлик ҳақида фақат классик адабиётларда ўқигандим ва бу билан умуман қизиқмасдим. Мени ўзимнинг танишим бўлган 19 ёшли йигит зўрлади. Биз фақат ўсмирликдаги бўса олишга асосланган ишқий муносабатда эдик, холос. Аммо мени унинг ўзини ғайриоддий тутгани чўчитганди ва мен бу ҳақда унга айтишга қарор қилдим. Ўшандан буён жуда кўп нарсага ақлим етади: бундай вақтда бақира олмайсан, чунки томоғингга бир нарса тиқилгандай бўлади ва овозинг чиқмайди, бундай вақтда жисмоний жиҳатдан унча бақувват бўлмаган эркакка ҳам аёл қимирлай олмаслигини таъминлаш жуда осондир.

Бунақа мудҳиш ҳикоялар жуда кўп ва аёллар ҳар куни ўз бошидан кечирганларини баён қилишда давом этаётир.

Психологлар жинсий зўравонлик қурбонларига ўз бошидан кечирганлари ҳақида айтишдан тортинмасликни маслаҳат беради. Чунки бу ҳолат аёлни бутун умри давомида таъқиб этади. Аммо жамоатчилик таъналаридан қўрқиш, қариндошлар олдида уятга қолиш ва бошқа кўплаб сабаблар аёлларни бу дардни ўз ичига ютишга мажбур этади.

Ўзбек аёллари ва қизларидан ҳам шундай очиқликни кутиш мумкинми?

Аксарият ҳолатларда бу саволга «йўқ», деган жавоб олинади. «Ўзинг айбдорсан» – бу одатда жинсий тажовуз қурбони юзига айтиладиган энг кенг тарқалган фикрлардан биридир.

Шунга қарамай, биз аёлларга шилқимлик қилиш ва жинсий тажовуз муаммоси юзасидан баҳс-мунозара бошлаш истагидамиз. Зеро, бу муаммонинг аҳамиятини баҳолаш жуда қийин.

Eltuz.com

Тағин ўқинг
1 март 2020
«Абдураҳмон мен билан қучоқлашиб кўришди, ҳол-аҳвол сўрашди. – Муҳаммад ака, сиз мени эсламасангиз керак, мен Назар Эшонқулнинг жияни Абдураҳмон ...
11 август 2017
“Темир хотин” филмида ўзбекларнинг пахта теришга мажбурланишини ҳажв қилган кинорежиссёр 2015 йилнинг октябрида Наманган далаларига теримга жўнатилганди. Рассом Туз, ...
26 май 2020
Диссертация қўлёзмаси тошқинда яроқсиз ҳолга келганини иддао қилган 28 яшар сирдарёлик Камола Аброрхоновага президент топшириғи билан докторлик даражаси берилди. ...
17 декабр 2019
Сўконғичлиги билан ном чиқарган Фарғона вилояти ҳокими Шуҳрат Ғаниев 2 декабрь куни ижтимоий тармоқда тарқалган навбатдаги аудиоёзувида газ йўқлиги ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...