Дайжест
26 июл 2016

Туннел баҳона Оқсаройга йўналган пахталар

Қамчиқ довонидаги туннел баҳона Оқсаройга йўналган пахта оқими янада кучайди. Бутун Ўзбекистон матбуоти бугун шу қурилишни амалга оширганларга эмас, уларга «раҳнамолик» қилган юртбоши шаънига ҳамду сано айтиш, унга «пахта қўйиш» пойгасида олдинги сафда бўлишга интилиш билан овора.

Аввалига журналистлар оддий одамлару турли даражадаги депутатлар тилидан матбуотни шундай ҳамду сано билан тўлдирди. Шоиру ёзувчилар қараса, байроқ бошқаларга кетадиган кўринади. Шунинг учун отни қамчилай бошлашди.

«Ўзбекистон адабиёти ва санъати» газетаси отни қамчилаган ана шундай «чавандоз пахтакор»нинг мақоласини эълон қилди.

Мақола Ўзбекистона ишлаб чиқарилаётган машиналар таърифи билан, бугун уларнинг «харидоргирлиги ошса ошиб, сира тушмаётгани», «экспорт салоҳияти ҳам йил сайин ошиб бораётгани» тўғрисидаги кичкинагина ёлғон билан бошланади.

Кейин эса: «Бир замонлар Кавказ томонларга борганда 50-60 метрлик туннелларни кўриб ҳайратланардик. Бугун ўзимиз унча-мунча эмас – 19,2 километрлик туннел барпо этдик»,  деб ғурурланади муаллиф.

Мақоладан кўзланган асл мақсадга сал кейинроқ ўтилади. «Соҳибқирон бобомиз «Қудратимизга шубҳангиз бўлса, биз қурган боқинг, деб бежиз айтмаган… Ислом Каримовнинг бевосита раҳбарлиги ва ташаббуси билан бири биридан маҳобатли… саройлар, меҳмонхоналар, ёдгорликлар, кўприклар, йўллар бунёд этилмоқда. Шуларга қараб туриб, Амир Темур бобомизнинг юқорида келтирилган сўзларини бугун ҳам бемалол айтиш мумкин…», дейди муаллиф.

Буни соддароқ тилга ўгирсак, «Қудратимизга шубҳа қилсангиз, Ислом Каримов раҳнамолигида ва ташаббуси билан қурилган иншоотларимизга қаранг», бўлади.

Яшанг, ҳурматли ёзувчи, деб кўнглини кўтаргинг келади муаллифнинг. Чунки ҳозирча байроқ унда кетди. Зеро, «Ўзбекистон шундай давлат бугун – яхшиларга ҳавас қилиш билан бирга бошқаларда ҳавас уйғота оладиган мамлакат»!

Eltuz.com

Тағин ўқинг
15 апрел 2016
Тадбирда терроризм, экстремизм билан боғлиқ жиноятларга қарши курашишда ўзаро ҳамкорликни янада ривожлантириш, хавфсизлик ва барқарорликни мустаҳкамлаш масалалари юзасидан фикр ...
10 декабр 2022
Дунë уруш асоратларидан қаддини энди тиклаëтган 1948 йилнинг 10 декабрь куни Парижда жаҳоннинг кўплаб давлатларидан йиғилган дипломатлар Инсон ҳуқуқлари ...
20 декабр 2019
Мабодо Жуманазар ака бориб келган ўзга сайëра вакиллари Ўзбекистонга келиб қолса, ўзларининг тармоғида нималарни ëзган бўлишарди? Қандайдир одамлар катта ...
8 август 2022
Ўзбекистон ва Марказий Осиëда танилган 44 яшар поп қўшиқчи ва сиëсий фаол Жаҳонгир Отажоновнинг Туркиядаги шахсий машинаси ўғирлаб кетилди. ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...