Cатира
25 август 2016

Ойлик ва пенсиялар ошади, бироқ нарх-наво аллақачон кўтарилмоқда…

Президент фармонида, 2016 йилнинг 1 октябридан бошлаб бюджет муассасалари ва ташкилотлари ходимларининг иш ҳақи, пенсиялар, стипендиялар ҳамда нафақалар миқдори ўрта ҳисобда 1,15 баравар оширилиши қайд этилади. 

Бундан келиб чиқиб жорий йилнинг октябридан энг кам иш ҳақи – ойига 149 775 сўм; ёшга доир пенсиялар – ойига 292 940 сўм; болаликдан ногиронларга бериладиган нафақа – ойига 292 940 сўм қилиб белгиланган; 

Фармонда, «зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа ойига 179 755 сўм миқдорида белгилансин», дейилган.

Eltuz.com мухбири бу хабар ўзбекистонликларга қандай таъсир кўрсатганлигини билиш мақсадида, турли ёшдаги ва мавқедаги кишилардан интервью олишга ҳаракат қилди.

«Билмадим, хурсанд бўлганим йўқ», – деди исми сир қолишини истаган ўқитувчилардан бири.

У октябр ойининг ойлиги ноябр ойида, ёки ундан кечроқ кечроқ тушиши, лекин бозордаги ва магазинлардаги нарх-наво сентябр ойидаёқ ошиб кетишини айтади.

«Нарх-наво ошганидан кўра, ойликларнинг ошмагани маъқулроқ эди» дейди савдогарлардан бири.

Айрим энг зарур махсулотлар нархи эса аллақачон ошган.

“Нега ун, ёғ, шакар, кирсовуннинг нархи ошиб кетди”, деган саволимизга сотувчилар ойликлар ошдику деб жавоб беришади.

«Ойлик билан унча қизиқмайман, ҳар ойда 400 ёки 420 минг сўм пластигимга пул тушади – дейди ўзини банк ходими деб таништирган яна бир суҳбатдош, – менинг ойликдан ташқари тушимим бор, яъни “левий”им. Ҳар куни ризққа яраша 30-40 минг сўм тушиб туради. Шунинг учун ойлик ошса ҳам ошмаса ҳам менга фарқи йўқ.

«Туман мудофаа бўлимида ишлаб пенсияга чиққанман, – деди яна бир суҳбатдош, – 910 минг сўм пенсия оламан. 15 фоиз ошган бўлса, демак ҳар 100 минг сўмга 15 мингдан қўшилади, пенсиям анча кўпайиб қолар экан».

Eltuz.com нашри мухбирининг «Ойлик ошса нима ўзгаради?» деган саволига кўпчилик “Солиқлар ошади”, “Яна инфляция давом этади”, айримлар эса шунчаки эҳтиёт шарти ва киноя оҳангида “Ахоли фаровонлигини ўйлаётган инсонларга ташаккурлар бўлсин” дея жавоб қилишди.

Насима Даврон қизи

Расм муаллифи, Элсевар
Eltuz.com

Тағин ўқинг
25 октябр 2017
23 октябр куни «Элтуз» нашрининг мобил мухбири жўнатган фотосуратда супурги кўтарган мактаб формасидаги бир гуруҳ мактаб ўқувчиларини кўриш мумкин. ...
17 декабр 2019
10 декабрь куни тошкентлик 35 ёшли Амир Шарифуллин икки номаълум шахс томонидан машинада ўғирлаб кетилган ва қандайдир қўриқланадиган жойга ...
19 октябр 2015
Ўзбекистон инсон ҳуқуқлари жамиятининг фаоллари. Самарқандлик Норбой Холжигитов ва жиззахлик раҳматли Бахтиер Ҳамроев. Норбой Холжигитов Ўзбекистон қамоқхоналариларидан 2011 йили ...
20 май 2019
Андижон шаҳрида 16 май куни вилоят фаоллари ва президент Мирзиёев иштирокидаги йиғилишда Бўз тумани ҳокими Иномжон Мадалиев туман номини ...
Блоглар
28 июн 2021
Асфальти йўқ кўчалар, газлаштирилмаган уйларимиз ҳақида «Дўстлик байроғига» ёзганимда ўн уч ёшда эдим. Қишлоғимизни бадбўй ...
25 июн 2021
Техник сабабларга кўра, бугун жума ваъзи эфирга узатилмайди. Аммо азиз муштарийлар учун бир пайтлар Урганчдаги ...
21 июн 2021
«Пахтакор»нинг келиб чиқиши турк, лекин швейцариялик Дердийок (ўзбекчасига Дардийўқ) деган футболчиси бор. Йиллик маоши 1,3 ...