Пугачёвани ўзбек мухлиси ҳуркитди

Ёш келин куёвларга ўз тилакларини билдираркан, машҳур рус примадоннаси, «Пригласите Даму танцевать!» қўшиғини куйлайди.

Қўшиқ асносидаги «таклиф»ни чинга йўйган, унинг ишқибозларидан бири, барваста, семиз ва тепакал эркак саҳнага чиқиб келади.

«Ты меня пугаешь!», дейди қўшиқ оҳангини бузмаган ҳолда, эркакннинг оғушини тарк этишга уриниб Пугачева. Кейин эса у чап қўли билан эркакнинг елкасидан қучиб куйлашда давом этади:

«Мне бы вас околдовать,
Увести со сцены и потерять,
Заберите его! Ваша спутница простит…»

дея енгил мутойиба аралаш импровизация билан ўжар эркакни саҳнадан четлатишга муваффақ бўлади.

Айрим манбаларда тўйнинг Тошкентда ўтгани, келиннинг Лабзакдан, куёвнинг эса БААдан экани айтилади.

Бундан илгари эса, тўйнинг дубайлик куёв томонидан ташкил этилгани ва унга Алла Пугачеванинг таклиф этилгани ҳақидаги гапларни бир қанча нашрлар инкор этган эди.

«Куёв шунчаки арабларнинг чўпони (чапони.таҳр.)ни кийган» дея ёзди Ўзбекистондаги diydoraziz.uz нашри.

Photoday.uz нашри эса, Алла Пугачёванинг бу тўйга эмас бошқа бир оиланинг тўйига ташриф буюрганини билдирди.

Qalampir.uz нашри эса, Алла Пугачева қатнашган тўй август ойида Тошкент шаҳридаги “Яккасарой” ресторанида бўлиб ўтганини ёзган.

Eltuz.com