Дайжест
2 ноябр 2016

«Ижтимоий фикр»нинг навбатдаги лофи

«Халқ сўзи» газетаси (29.10) «Ижтимоий фикр» жамоатчилик фикрини ўрганиш маркази томонидан ўтказилган навбатдаги сўровнинг натижалари ҳақида мақола эълон қилди.

Ўзбекистон президенти яқинда суд-ҳуқуқ тизимига оид фармон имзолагани муносабати билан ўтказилган «Суд-ҳуқуқ тизими ислоҳотлари жамоатчилик нигоҳида» мавзуидаги бу сўров ҳам аввалгилари каби ҳаққоний вазиятни ифодаламайди.

«Тадқиқот одамлар мамлакатимизда амалга оширилаётган суд-ҳуқуқ тизими ислоҳотларининг асосий мақсад ва моҳиятини теран англаб етганини намойиш этди», деб хулоса қилган «Ижтимоий фикр».

«Сўров шуни кўрсатдики, фуқаролар ҳуқуқлари бузилганда уни қонуний асосда тиклашга ишонишади. Кўпчилик юртдошларимиз ҳуқуқлари бузилганда унинг тикланишига шубҳа қилмайди», дейилади газетада.

Маълум бўлишича, респондентларнинг аксарияти, яъни 93,8 фоизи ўз ҳуқуқ ва манфаатлари кафолатлангани ва таъминланганини қайд этган.

Ижтимоий сўровни ўтказаётганлар ёки барча рақам ва хулосаларни хаёлига келганича ёзади, ёки сўров ўтказаётганларида бечора респондентлардан ўзига маъқул жавоб олиш учун ёнида прокуратура, милиция ва МХХ вакили бўлади. Бўлмаса, бугун мамлакатдаги вазиятни кўра-била туриб аксарият фуқаролар бузилган ҳуқуқлари шубҳасиз тикланишига ишонишини қандай баҳолаш мумкин?

Агар ишонч шундай юқори бўлса, қолаверса, салкам юз фоиз фуқаро ўз ҳуқуқ ва манфаатларини таъминланган, деб билса, бош вазирнинг виртуал қабулхонаси очилгандан бери ўтган бир неча ҳафта ичида унга 100 мингга яқин шикоят келиб тушганини қандай баҳоласа бўлади?

Улар айнан қонунсизликдан, манфаатларига зиён етгани учун шикоят қиляптиларми ёки оммавий ишсизлик оқибатида келиб чиққан бекорчиликданми?

Газетада ижтимоий сўров натижалари «фуқароларнинг сайлов ҳуқуқларини таъминлаш, уларнинг сиёсий жараёнларда, жамият ва давлат ишларини бошқаришда иштирокини таъминлашга қаратилган чора-тадбирлар самарали амалга оширилганини кўрсатаётгани» таъкидланади.

Энди бу хулосага баҳони давлат рўйхатидан ўтказилмаётган ва сайловга қўйилмаётган мухолифатдаги партиялар вакиллари, ҳаққоний сайлов нималигини аллақачон унутиб қўйган халқ берсин.

Мазкур газетада гарчи реклама ҳуқуқи асосида берилган бўлса-да, яна бир мақола эътиборни тортди. Унда «Ўзфармсаноат» акциядорлик концернига қарашли «Ўзкимёфарм» акциядорлик жамияти фаолияти тўғрисида сўз боради.

Ёзилишича, корхона ўтган йилнинг 9 ойи давомида 6 миллиард сўмлик маҳсулот ишлаб чиқарган бўлса, жорий йилнинг шу даврида бу кўрсаткич 22,2 миллиард сўмдан ошган. Соф фойда эса, эътибор беринг, 18 миллиард 720 миллион сўмни ташкил этган.

Ҳисоблаб кўринг, хомашё, иш ҳақи ва бошқа кўплаб ишлаб чиқариш харажатларига бор-йўғи 3 миллиард сўмдан сал ошиқроқ маблағ сарфланган ҳолда бундан бир неча баробар ортиқ фойда олинган. Бундай даромадли соҳани яна қаерда кўргансиз ёки эшитгансиз?

Халқ дори-дармон қимматлигидан дод деяётган бир пайтда бу каби монополиялар хоҳлаганча фойда қилиб ётибди, деган хулосани бермайдими бу рақамлар!?

Агар берилган рақамларда хатолик ўтмаган бўлса, улар назорат органлари томонидан жиддий эътибор қаратилишини талаб этади назаримизда.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
6 январ 2020
АОКА блогер ва журналистларни сотиб олиши эмас, ҳуқуқий қўллаб-қувватлаши зарур. Унинг баёнотлари жуда кулгили. Ваколатлари бизни ҳимоя қилишга етмас ...
27 сентябр 2017
Президент Мирзиёев ваъдаларига ишониб ватанга қайган диссидент ёзувчи Нурилла Отахонов (Нуруллох Муҳаммад Рауфхон)нинг, 27 сентябр куни Тошкент аэропортида ҳибсга ...
1 июн 2020
Илон Маск хусусий ракетаси кўкка учди. Илмнинг чўпчакни енгиши бу!!! Ўзбекистон президенти «дафтарим сувга оқди», дея алжираган каллаварам хотинга ...
19 сентябр 2021
Ўзбекистоннинг “Orient Group” компанияси билан боғлиқ бир йиллик тергов иши шуни кўрсатдики, унинг Ўзбекистон президенти билан оилавий алоқаси мавжуд ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...