Газлида журналист Алексей Волосевич ушланди

14 апрел куни тошкентлик журналист Алексей Волосевич, Бухоронинг Ромитан туманида, Газли шаҳар милицияси ходимлари томонидан ушланди.

Алексейнинг сўзларига кўра, ушланишининг сабаби, шаҳарда сайр қилиб, фотосуратлар олганидир. «Тағин мен одамлардан руҳсат сўраб уларни суратга олганман», деди Алексей телефондаги сухбатда.

Милиционерлар, журналистни аллақайси хушёр фуқаро милицияга сим қоқиб «тутиб бергани»ни яширишмади.

Ушланганидан сўнг, Алексейни ШИИБга олиб боришган, у ерда бармоқ изларини олиб, ушланган шахс ҳақида маълумот олиш учун бўлса керак, «қандайдир сўров»ни жўнатишган.

ШИИБ бошлиғининг исми шарифи Алишер Тўхтаевдир.

Гарчи журналист айбланмаётган ва ушланишнинг расмий сабаби номаълумлигича қолаётган бўлсада, унинг паспортини олиб қўйишган ва жавоб келгунга қадар маҳаллий меҳмонхонага жойлаштиришган.

Ўзбекистонда қонун одамларнинг фототурат олишини тақиқламайди. Нима учун Газли шаҳрида бу мумкин эмаслиги ҳозирча жумбоқ.

Eltuz.com