Мирзиёев Элтуз сайтини ўқийдими? (видео)

«Мана битта мисол, эрталаб мен Интернетни ўзим очиб ўқидим, буни менга ҳеч ким бермайди!» деди Мирзиёев депутатлар билан 12 июл ўтгазган мажлисда.

Шундан сўнг у Элтуз нашрида 11 июл куни чоп этилган «Воҳид Амонов: Вақтида операция қилинганида хотиним тирик бўлар эди» сарлавҳа остидаги мақолани тўлиқ ўқиб берди.

«Олий мажлисдан келишади, деб ёпиб қўйган лабораторияни, катталар келади деб! Ҳаммамиз катта бўлиб кетганмиз-да!» деди кейин президент мақолага изоҳ бериб.

Кимдир буни президент фейсбукдан, кимдир «Озодлик» сайтидан ўқиб берганинини билдирмоқда.

Бироқ, «Озодлик» сайтида айни мавзудаги мақола 12 июл тушдан кейин пайдо бўлди, мажлис эса эрталаб бошланган.

«Биз ҳам ўқияпмиз шу мақолани, лекин сайтларданмас, фейсбукдан» дея изоҳ қолдирди Dapushka Oq исмли юзер.

Воқеани ўрганган Би Би Си ўзбек хизмати, президент Мирзиёев мажлисда депутатларга ўқиб берган мақола Ўзбекистонда блокланган Элтуз нашридаги билан сўзма-сўз тўғри келишини аниқлаган.

Видео: https://youtu.be/piK6U9lC-sY
Eltuz.com