Асосий мавзулар
16 январ 2017

Ўзини картошка билан таъминлаётган «қудратли давлат»

Ҳар нарсадан ҳикмат излайдиган халқмиз. Аввалги президентнинг ҳар бир гапидан ҳикмат излайвериб чарчамаган эканмиз шекилли, Тошкент давлат ўзбек тили ва адабиёти университети профессори ҳам «XXI аср» газетасидаги (12.01) чиқишида янги давлат раҳбарининг «2017 йилни Халқ билан мулоқот ва инсон манфаатлари йили деб номлашида ўзига хос ҳикмат бор»лигини кўрибди.

Профессорнинг мақоласи президентнинг  бирор учрашуви, маърузаси ёки фармонига муносабат билдириш анъанасининг намунаси бўлиб, давлат раҳбарининг илм-фан намоёндалари билан учрашуви ортидан чоп этилган.

Олим гапни узоқдан бошлаган. «Бундан қарийб 26 йил аввал аҳолисини биргина картошка билан таъминлашга имкони бўлмаган бир қолоқ республика … дунё миқёсида ривожланишнинг «ўзбек модели» билан эътироф этилган қудратли давлатга айланди», дейди муаллиф.

У ёки атайин ёлғон ёзган, ёки кейинги вақтларда бозор ораламаган. Агар бозорга борганида бу «қудратли давлат»нинг фуқаролари ҳукуматнинг зўри билан арзонлаштирилган нархда сотилаётган картошкага қатор-қатор навбатда турганини кўрган бўларди.

Шундан сўнг профессор мамлакатимиздаги таълим тизимининг «замон талабларига жавоб берадиган» шарт-шароитлари ҳақида лоф уришга ўтади ва буни қиёслаш учун: «… ҳозирги кунда ривожланган давлат деб айтиладиган ўлкаларда 12 йиллик бепул мажбурий таълимга эришилгани йўқ, ақалли 5 йиллик мажбурий таълимни таъминлашга давлатнинг қурби етмаяпти», деб ёзади.

Албатта, мақталаётган таълим тизимида болалар металлолом, макалатура йиғиш, пахта теримига жалб этилиши ҳақида олим ҳеч нарса демайди.

«Қоровулбозор рақобатга тайёр», дея жар солди шу газета орқали Қоровулбозордаги Бухоро нефтни қайта ишлаш заводи цех бошлиғи.

Бензин тақчил бўлиб, Тошкентдан бошқа жойлар эркин ёқилғи савдоси ҳақида унутганига анча йиллар бўлган, чиқарган бензини ҳам ифлослиги сабабли машина моторини чийиллатиб юборадиган завод ким билан рақобат қилмоқчи, деб ўйланиб қолади киши.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
6 апрел 2016
Ўзбекистондаги партияларнинг нашрларини кўздан кечириб, уларнинг парламентдаги депутатларига ўз сайловчилари билан огоҳлик, ҳушёрлик, «ёт ғояларга қарши кураш» мавзуларида учрашувлар ...
8 июл 2016
Тошкентдаги Низомий номидаги педуниверситетнинг 1940-йилларда машҳур архитектор Е.Жмуйда лойиҳаси асосида қурилган биносини таъмирлаш баҳонасида вайрон қилиниётгани ижтимоий тармоқда бахсларга ...
11 август 2018
Ўзбек турмасида энг узоқ қолган журналист Муҳаммад Бекжон китобининг навбатдаги бобида Жаслиқ колониясидаги ҳар шанба ўтказиладиган ҳаммом куни, маҳбусларни ...
7 март 2018
Тошкент шаҳри судида 7 март куни бошланган биринчи суд йиғилиши Бобомурод Абдуллаевга терговда қўлланилган қийноқ аломатларини аниқлаш ва экспертиза ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...