Cатира
19 октябр 2017

Сўз эркинлиги анжуманида қамоқдаги журналистга оид саволларга жавоб йўқ

18 октябр куни Тошкентда ўтган Европада ҳавфсизлик ва ҳамкорлик ташкилоти (ЕҲҲТ) анжуманида журналист Бобомурод Абдуллаев тақдирига оид барча саволлар жавобсиз қолди.

Анжуманнинг Матбуот эркинлигига бағишланган эрталабки йиғилишида, Fergananews.com сайтига кўра, журналист Сергей Наумов маърузачидан Абдуллаевнинг қамалишига изоҳ сўраган.

Журналистларни қайта тайёрлаш маркази директори Гулнора Бобожонова, Бобомурод Абдуллаев «ҳибсга олинган, чунки қонунни бузган», деган.

Нашрга кўра, Абуллаев ишини «суд кўриб чиқаётгани»ни писанда қилиб, «суд қароригача» бунга изох бермаслигини билдирган.

«Чегара билмас мухбирлар» халқаро ташкилоти вакили Йоханн Биррнинг бир қанча саволлари ҳам жавобсиз қолди.

«Агар Бобомурод Абдуллаев 27 сентябрда қамалган бўлса, нега унинг яқинлари икки кун давомида бундан мутлақо хабарсиз қолишди?»

«Нега журналист шу пайтгача адвокатдан маҳрум?»

«Нега яқинларининг у билан учрашишига рухсат этилмаяпти?»

Озроқ вақт ўтиб, журналист Алексей Волосевич иштирокчининг бу саволларига жавоб бериладими, дея қайта сўраганида эса Бобожонова мутлақо «йўқ!» дея жавоб берди.

Ҳуқуқ фаоли Умида Ниёзова «Элтуз» нашрига бу ҳолат юзадан ўз фикрини билдирди.

«Ёзиш ҳуқуқидан фойдаланганлари учунгина журналистлари турмада қолаётган мамлакатда матбуот эркинлиги анжумани ўтказиш қанчалик аҳлоққа тўғри келади?

Бу савол, қамалган журналист тақдири ҳақида билмаслиги мумкин бўлмаган ЕҲҲТга тааллуқли.

Сўз эркинлиги – одамларнинг ҳукуматга ёқиш-ёқмаслигидан қатъий назар эркин сўзлаш ва ёза олишлари мумкинлигини англатади.

Сўз эркинлигининг кескин саволларга жавоб бера олмайдиган мулозимлар расмиятчилик учун ўтказадиган анжуман билан ҳеч бир боғлиқ жойи йўқ».

Рассом Туз
Eltuz.com

Тағин ўқинг
21 феврал 2023
Автобуснинг бу галги сони «Муштум» сатирик журналининг 100-йиллигига бағишланади. Бу сонда Муштумдан олинган карикатуралар шунингдек, Мақсуд Шайхзода ва Меҳриноз ...
14 феврал 2022
Бу ҳикоя Қорақалпоғистондаги туркман қишлоғида туғилган жамоатчилик фаоли ва блогер Жумасафар Дадабоев ҳақида. 2016 йилда, ҳали у жамоатчилик фаолияти ...
27 апрел 2021
Ботир Зокиров 1936 йил 26 апрель куни опера тенори Карим Зокиров оиласида туғилди. Тошкентдаги ўрта мактабни тамомлагач, Тошкент давлат ...
7 январ 2020
Марказий Осиë археологияси ва меъморий реставрацияси асосчиси Михаил Массон туғилганига 2017 йилнинг декабрида 120 йил тўлди. Бироқ Археолог изланишлар ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...