Асосий мавзулар
12 ноябр 2018

Тошкентдаги тадбирда Муҳаммад Солиҳнинг февраль портлашларига алоқаси йўқлиги айтилди

Тошкентда 11 ноябрь куни Рауф Парфига бағишланган тағин қаршиликка учраган тадбирга келган бир гуруҳ зиёлилар даврасида ўзбек мухолифати лидери, шоир Муҳаммад Солиҳ номи эсланди.

«Адабиёт газетаси» муҳаррири Бахтиёр Каримов газетанинг 1 ноябрь кунги тиражи Муҳаммад Солиҳ тўғрисидаги мақола сабаб Давлат хавфсизлик хизмати томонидан йиғиштириб олингани ҳақида билдирди.

«Улар менга дордан қочганларнинг минбари бўлиб қолди бу «Адабиёт газетаси», дейишди. Мен уларга айтдим: «Улар дордан қочганлар эмас, дордан қочган сизлар! Улар дорга бошини тиккан одамлардир!» деди Бахтиёр Каримов.

Газета муҳаррирининг сўзларига кўра, таниқли адиб Мамадали Маҳмудовнинг «Қоронғу тунда чақнаган чақмоқлар» мақоласи Муҳаммад Солиҳнинг 16 февраль воқеаларига алоқаси йўқлиги ҳақида бўлган.

«Ҳеч бўлмаса, Рауф Парфидек ўлимидан кейин ҳам ёлғон жамиятга момоқалдироқдай ларза соладиган ёки Муҳаммад Солиҳдай фамилиясининг ўзи жамиятни ларзага келтирадиган шоир бўлишга интилиш керак», деди Бахтиёр Каримов.

Муҳаммад Солиҳ номи эсланган мақола чоп этилган «Адабиёт газетаси»нинг сотувдан қайтаргани Интерпол мухолифатдаги “Эрк” демократик партияси раҳбарини халқаро қидирувдан олиб ташлаган вақтга тўғри келди.

Бир гуруҳ ижодкорларнинг Рауф Парфи юбилейига бағишланган 11 ноябрга мўлжаллаган тадбири эса бу сафар, унинг ташкилотчиси Анвар Назирнинг билдиришича, Ёшлар иттифоқи тўсқинлиги боис шоир дафн қилинган қабристонда ўтказилган.

Бундан аввал 25 сентябрь шоир туғилган кунга бағишланган юбилей Алишер Навоий номидаги Ўзбекистон миллий кутубхонаси маъмурияти томонидан, кейин эса Ойбек уй-музейи маъмурияти томонидан тўхтатилган эди.

Eltuz.com

Тағин ўқинг
16 июл 2016
Ўзбекистонда «тинчликни мадҳ этиш учун» мафкура клипи сифатида тайёрлангани айтилаётган айни клип мусиқаси ўзгармаган, бироқ тасвирларда унинг эски нусхаси ...
24 ноябр 2016
Касалхонадаги аëлнинг саломатлиги ҳақидаги маълумотнома Адана прокуратураси оилавий жиноятлар бўлимига етиб боргач, эридан калтак еган ўзбек аëл шикоятини Адана ...
31 май 2018
31 май куни ижтимоий тармоқларда тарқалган 3D пиёдалар йўлакчаси сурати Наманган кўчаларида олингани айтилади. Ўзбекистонда шусиз ҳам тузукроқ асфальт ...
22 сентябр 2017
Сўнгги маълумотларга кўра, Бош вазир иштирокидаги мажлисда берилган кўрсатмадан сўнг, пахта теримида қолаётган Олий ўқув юрти талабалари уйларига қайтарилмоқда. ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...