Cатира
22 ноябр 2018

Самарқанд форуми Ўзбекистонда инсон ҳақлари бузилишига ҳамоҳанг бошланди

Cамарқандда 22 ноябрь куни Инсон ҳуқуқлари умумжаҳон декларациясига бағишланган Осиё форуми инсон ҳақларидан кўз юмилиши фонида кечмоқда.

Парадокс шундаки, президент Мирзиёев ва ЕХҲТ вакиллари иштирокида ўтаётган Самарқанддаги халқаро анжуман инсон ҳуқуқларини ёритгани учун босим кўрсатилган хоразмлик журналистларнинг судлари бошланган ва ортга сурилаётган бир кунга тўғри келди.

Ўз фаолияти учун калтакланган ва қамалган журналист

22 ноябрь куни Хоразм вилояти Қўшкўпир тумани маъмурий суди урганчлик 47 яшар журналист Давлатназар Рўзметов шикояти бўйича ишни кўриб чиқиши керак эди. Бироқ Рўзметовнинг «Элтуз» нашрига билдиришича, бугун суд унга мажлиснинг 29 ноябрга қолдирилганини билдирган.

Шунингдек, суд давогар Рўзметовга танишиб чиқиш учун жавобгар томон – Қўшкўпир тумани ички ишлар бўлимининг 20 варақдан иборат иш ҳужжатларини тақдим қилган. 

“Хоразм ёшлари” газетаси муҳаррири ўринбосари Давлатназар Нурметов Қўшкўпир тумани ҳокимлиги биносидаги мажлисда мажбурий меҳнат ва инсон ҳуқуқлари бузилиши ҳолатини ўрганишга ҳаракат қилгани учун ҳоким буйруғи билан олиб кетилган, милиция томонидан калтакланган, шу йилнинг 29 октябрида етти сутка қамоққа ташланган эди.

Уйлари тортиб олинган журналистлар

23 ноябрь куни эса Урганч шаҳрида хоразмлик журналистлар – ака-ука Бобожоновларнинг уйларини тортиб олиш юзасидан даъво аризасига кўра суд бошланиши кутилмоқда.

Шу йилнинг августида Хоразмда «Озодлик» журналисти Шуҳрат Бобожонов, «Элтуз» муҳаррири Қудрат Бобожонов ва уларнинг укаси, видеотасвирчи Ғайрат Бобожоновнинг Хоразмдаги уй-жойлари тортиб олинган.

Бу ҳақда уларга 6 ой ўтиб хабар берилган, кейинчалик улар судга шикоят қилишган эди.

Вазият яхшилангани ҳақида гапбозлик…

Инсон ҳуқуқларини ёритиб келган кўплаб журналистлар форумга қўйилмаган. Жумладан, самарқандлик журналист Тошпўлат Раҳматуллаев фейсбукда бу юзадан фикрларини ёзиб қолдирди.

«Ташкилотчилар ўзларининг охирги йиғилишига таклиф этишган эди. Бугун эрталаб тегишли органлар янги рўйхат тузганлигини ва камина унга киритилмаганлигимни айтишди», деди у.

Самарқанд форумига бағишлаб Тошкентда ўтказилган брифингда иштирок этган ўзбекистонлик журналист Юрий Черногаев хўжакўрсин тадбир ҳақидаги ўз фикрларини фейсбукда қолдирди. 

«Гапбозлик ва ўзаро бир-бириникини ялашдан бошқа нарсани кўрмадим. Ҳамма ҳамма нарсадан мамнун, вазият ҳаммасидан яхши…».

Рассом Маҳмуд Эшонқулов
eltuz.com

Тағин ўқинг
13 апрел 2017
Ўзбекистонда давлат тилига катта эътибор ҳақида кўп гапирилаётганига қарамай, мамлакатда ўзбек тилини мустақил ўрганиш бўйича қўлланмани топиш анқонинг уруғидек ...
23 январ 2019
Президент Мирзиёевнинг 21 январ куни Берлинга расмий ташрифи чоғида «Озодлик» журналисти Шуҳрат Бобожоннинг «Озодлик радиосидан сизга саломлар», деган репликаси ...
14 март 2019
Жуда ғалати ишлар бўляптики, на жим туриб бўлади ва на гапириб. Аммо “қилинган ишдан пушаймон қилинмаган ишдан пушаймондан яхшироқ”, ...
28 январ 2019
24 январь куни Нукусда Жумамуратовлар оиласида туғилган уч эгизак қизга президент исмлари берилди. Бу ҳақда «Халқ сўзи» газетаси хабар ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...