Асосий мавзулар
15 октябр 2021

Юлдуз Усмонова судга келмади

13 октябрда Тошкент шаҳри Мирзо Улуғбек тумани фуқаролик ишлари судида шоир Йўлчи Рўзиевнинг даъво аризасига биноан очиқ судда Ўзбекистон халқ артисти Юлдуз Усмонова иши кўриб чиқилиши керак  эди. Шу куни жавобгар томони келмагани учун суд 22 октябрга қолдирилди. 

Шоир Йўлчи Рўзиев суддан икки шеърини қўшиқ қилиб куйлаган Юлдуз Усмоновадан қалам ҳақини ундириб беришни сўраган. 

“Хаста бўлма” шеърим 2016 йил апрелда ёзилган, – дейди шоир Йўлчи Рўзиев. – Қўшиқчининг маъмури билан бир даврада бўлиб қолдик ва унга ўнтача шеъримни Юлдуз Усмоновага етказиши учун топширдим. 

Шу шеърим 2018 йил январь ойида Юлдуз Усмонова томонидан қўшиқ қилинган. Шунда ҳам маъмурлар концертдан сўнг қалам ҳақи берилади, Юлдуз Усмонованинг ўзи айтди, деганди. 

Аммо ваъда ваъдалигича қолиб кетди. Қўшиқ оммалашиб кетгандан сўнг мен ҳам орқага чекинмадим. Хонанда гаплашиб олишга чақирди. Сўнг орада турли сабабларга кўра маъмурлари ўзгарганини, қўшиқ унга кўп даромад келтирганини айтди. 

Мени рози қилишини айтди. Қалам ҳақи эвазига китобимни чоп этиш таклифини берди. Мен рози бўлдим. Ҳисоб ишларини турмуш ўртоғи ва продюсери Мансур Агалиев амалга оширади, деди. Аммо бу ваъда ҳам бажарилмади. 

Бу орада “Севги изҳори” шеъримни ҳам қўшиқ қилди. Иккаласига ҳам ҳақ тўламади. Вакиллари билан Интеллектуал мулк агентлиги аралашуви билан ҳам иш бир томонга ечилмади”.

“Элтуз” мухбири санъаткорнинг маъмурларидан бири билан боғланди. Маъмур мухбирга хонанда айнан суд кунидан хабари йўқлиги, аммо Йўлчи Рўзиевнинг ижтимоий тармоқлардаги норозиликларига дуч келганини айтган.

Мирзо Улуғбек суди мулозимининг “Элтуз”га айтишича, “ Йўлчи Рўзиев аризасига мувофиқ иш ўрганилди ва томонларга суд куни ҳақида хабар берилган. Йўлчи Рўзиев суд билан доим алоқада бўлиб турибди. Жавобгар Юлдуз Усмоновага эса телефонограмма орқали суд куни, жойи ҳақида маълумот берилган.

Eltuz.com

Тағин ўқинг
18 ноябр 2019
Қадимги ва замонавий демократик тузумларда ижтимоий аҳамиятга молик масалалар кўпинча овоз беришга мурожаат билан тугайди. Фуқаролар ўзлари хоҳлаган ўзгаришни ...
30 июн 2017
Мирзиёев артистлар билан учрашувида «халқ учун ишлаётган» актерларга театр ёнидан кўп қаватли уй қуриб беришни ваъда қилди. Президентнинг фикрича, ...
20 январ 2020
Бош вазир Абдулла Арипов 18 январь куни 2020 йилда Humo Air давлат авиакомпанияси ташкил этилишини эълон қилди. Унинг сўзларига ...
7 май 2018
Европанинг энг ривожланган давлатлари, жумладан, Германия, Осиёда эса Япония атом электр станциялари ўрнига қайта тикланадиган муқобил энергетикага ўтиш қатъиятини ...
Блоглар
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...
25 октябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 10-қисмида мухбир ундан ўз ота-боболари ...