Асосий мавзулар
19 октябр 2022

ЭП 38: Томлардан чакка ўтмоқда, ўқитувчилардан пул йиғилмоқда, маҳалланинг ичимлик суви йўқ

«Элтуз портали»га келган навбатдаги бешта шикоят мактубини ўқиб эшиттирамиз дастлабки шикоят Қашқадарё вилоятининг Косон туманидан. Лолазор МФЙда яшовчи аҳоли томидан чакка ўтаётганидан шикоят қилмоқда. Элтузнинг мобил мухбири навбатдаги видеони жўнатди.
Кейинги шикоят Фарғонадан:

Мактаб директори ўқитувчиларни пул йиғиб беришга мажбурлаяпти

«Ассалому алайкум мен Фарғона вилояти Фурқат тумани 8-мактаб ўқувчилари номидан ёзяпман.
Мактабимиз директори Зафаржон домла мактаб ўқитувчиларини ҳар ойлик маошидан 30 000 (ўттиз минг) сўмдан йиғиб беришга мажбурлаяпти. Гап 30000 пулда эмас, йиғилган пулларни қаерга ишлатишига изоҳ бермаяпти. Демак директорнинг чўнтагига йиғиляпти. Бу мурожатим сизнинг тармоғингизда чиқиши билан диркетор 5-6 та ўзига яқин ўқтувчиларни тўплаб раддия беради, бу мақоламга. Лекин раддия берган ўқтувчиларнинг ўзини қаттиқроқ сўроқ қилиш керак, шунда тўғри гапиришади. Сектор раҳбари ва туман ҳокими эътибор бериб қўйишсин илтимос.»

“Ер майдони бир неча йилдан бери қаровсиз…”

“Қашқадарё вилояти Нишон тумани Наврўз МФЙдан такрор мурожаат йўллаяпмиз. 80 гектар пахта майдони бир неча йилдан бери қаровсиз қоляпти. Ҳолбуки, ернинг унумдорлиги яхши. Лекин негадир фермер хўжалиги ерга ишлов бермай келмоқда. Муҳтарам Президентимиз ердан унумли фойдаланиш кераклигини доимий таъкидлайди. Ерни унинг қадрига етадиганларга беришларини сўраймиз”.

Шартномага пул тикиб уйсиз қолган ўқитувчи

«Ассалому алайкум. Исмим Араббоева Озода Таштановна. 17.01.1961-йил туғилганман. Андижон шаҳар Бухарский кўчасида жойлашган Смарт Панел ҳамкор мчж қурувчи Мадаминжанов Абдумалик билан шартнома асосида кўп каватли уйга тўлов қилганман. Мен 40 йил ўқитувчилик қилдим. Уйимни сотиб кенгроқ квартира олмоқчи бўлдим. Афсус на уйим бор, на тўлаган пулим. Шартнома муддати тугади. Лекин қурилиш бўлмаяпти. Шаҳар ҳокимига бордим. Монаполияга қарши курашиш бошқармасига бордим натижа бўлмади. Илтимос ёрдам беринг. Уйсиз қийналиб кетдик.»

Андижоннинг Обод маҳалласида ичимлик суви йўқ

“Андижон вилояти Бўстон тумани Обод МФЙдан ёзмоқдамиз. 7 ойки, янги сув қудуқ қуриб берилгани йўқ. Сувни катта йўлдан ўтиб, навбат кутиб, 1 км наридан олиб келяпмиз. 240 хонадонда сув йўқ. Вилоят ҳокимидан илтимос, маҳалламиз сув таъминоти учун маблағ ажратинг!”

+++

Бу Элтуз ўқувчиларига тақдим қилинган бугунги сўнгги мактуб эди. Туркумга кирмаган кўплаб шикоятларни Элтуз Порталининг телеграм саҳифасида ўқишингиз мумкин. Уларга тегишли идоралар эътибор қаратади дея умид қиламиз. Эслатиб ўтамиз. элтуз портали интерактив тарзда телеграм каналида алоҳида саҳифа шаклида очилган. Мурожаатлар учун у ерга махсус бот ҳам ўрнатилган. Элтуз келаётган шикоятлар, таклифлар ва уларга ёзилган жавобларни ҳам эътиборингизга тақдим этишга интилади. Кун давомида биз билан қолинг. Каналларимизга обуна бўлинг.

Тағин ўқинг
23 октябр 2017
Ўзбекистон парламенти спутник ликобчаларини ўзбошимча ўрнатишни тақиқловчи қонун лойиҳасини тақдим қилди. Бу ҳақда 12 октябр куни ЎзА агентлиги хабар ...
21 феврал 2021
Президент Мирзиёев Наманганда Шавкат Абдураззоқовни вилоятнинг янги ҳокими этиб тайинлади, Уйчи туманидаги тўртта сектор раҳбарини ишдан олди, Чустдаги тўқимачилик ...
14 март 2022
Тошкентдан келаётган хабарларга кўра, сўнгги кунларда минглаб россияликлар гала-гала бўлиб Россияга нисбатан қўлланилаётган санкциялардан қочиб, Ўзбекистон пойтахтига кўчиб кела ...
16 апрел 2019
«Элтуз» нашри Муҳаммад Бекжоннинг «Қўрқувнинг нариёғида» (Алвидо, Жаслиқ!) иккинчи китобининг, 2-қисми аудиоверсиясини тақдим этади. Китобнинг бу қисмида муаллиф Косон ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...