Асосий мавзулар
9 июн 2024

Бахти ўғрига кўча назоратини ким топширган?

“Бахти Ташкентский” лақаби билан машҳур Ўзбекистондаги ягона “вор в законе” Бахтиёр Қудратуллаев ва “жиноят олами”нинг яна 36 нафар вакили устидан бўлиб ўтаётган судда 5 июн куни кутилмаган баёнот янгради.

“Бахти Ташкентский” Ўзбекистонда “кўча”ни назорат қилишни унга давлат ташкилоти ишониб топширганини айтди.

Судда сўз олган 52 яшар Бахтиёр Қудратуллаев қамоқдан чиққанидан сўнг давлат ташкилоти вакиллари унга алоқага чиқиб, мамлакатда ёшлар, спортчилар орасида пичоқбозлик кўпайиб кетаётгани учун “кўча”ни тартибга солишни сўраганини билдирди.

Судья ва ўғри ўртасидаги суҳбатдан англашилгани шуки, “Бахти Ташкентский” билан алоқага чиққан шахслар давлат ташкилоти масъуллари бўлганлар.

“Бахти Ташкентский”нинг айни кўрсатмасини у билан бирга судланаётган жиноят оламининг яна бошқа йирик вакили – “Конторский” лақабли Аббос Ходжаев ҳам тасдиқлади. 

Бироқ уларнинг айнан ким эканлигига аниқлик киритмади. Судя ҳам бу ҳақда ундан сўрамади. Судья, эҳтимолки, бу саволни бериб, ўзига бошоғриқ орттириб олишидан қўрққан бўлса. Буниси Элтузга қоронғу.

Аммо судья бермаган савол ва унинг жавобини Элтуз ошкор қилади.

Бу воқеа 2015 йил бошида, қиш чилласида юз берди.

2014 йил декабрида Жаслиқ зонасида жазо ўтаган “Бахти Ташкентский” кутилмаганда Қаршидаги 54-зонага олиб келинади ва кўп ўтмай амнистия акти билан эмас балки саломатлиги ëмонлашгани боис жазонинг қолган қисмини ўташдан озод қилинади.

Баxтиëр Қудратуллаев Ўзбекистон жиноят кодексининг 75-моддасида кўзда тутилган ҳолат, яъни касаллиги боис қамоқдан қўйиб юборилган эди. Бундан кўпчилик хабардор.

Аммо, кўпчилик хабардор бўлмаган, бир жиҳат ҳам бор. Бахти Ташкентский озодликка чиқарилгунига қадар у билан ўша даврдаги энг қудратли ташкилот – Миллий Хавфсизлик Хизмати мулоқот ўтказган.

 Демак, икки манба – истеъфодаги давлат хавфсизлиги зобити ва жиноят оламига яқин шахснинг Элтузга бир-биридан мустақил равишда маълум қилишича, “Бахти Ташкентский”га “кўча”ни назорат қилиш топшириғини ҳозирда Давлат Хавфсизлик Хизматига ўзгартирилган собиқ Миллий Хавфсизлик Хизматининг собиқ раҳбарлари берганлар.

Уларга кўра, Бахти Ташкентский ва Аббос Конторскийни 2014 йил декабрда муддатидан олдин озод қилишдан аввал уларга Ўзбекистон Миллий Хавфсизлик Хизмати уюшган жиноятчиликка қарши курашиш бўлими бошлиғи Улуғбек Нуриддинов кўчада тартиб ўрнатишни сўраган.

Собиқ МХХ зобитининг таъкидлашича, Улуғбек Нуриддинов “порядок килинглар, бу топшириқни шахсан генерал Шуҳрат Ғуломов беряпти, бу – давлат топшириғи, Ўзбекистонда ёшлар орасидаги “беспредел”ни тўхтатиш керак” деб айтган.

Мана орадан салкам 10 йил ўтиб Бахти Ташкентскийни яна панжара ортида кўриб турибмиз. У билан бирга Аббосни ҳам. Улар билан мулоқот олиб борган шахсларнинг баъзилари қамоқда, баъзилари истеъфога чиққан ва яна баъзилари ҳамон номи ўзгарган ташкилот кабинетларини банд қилиб ўтиришибди.

Шу ерда мақоламизга нуқта қўйсак бўларди.

Аммо, шу жойда яна бир мантиқий савол туғилади: Қандай қилиб қаттиқ қўриқланаётган ва журналистлар киритилмаётган суддан айнан Бахти Ташкентскийнинг кўчани назорат қилишга оид музокаралар ҳақидаги кўрсатмаси сизиб чиқди? Бундан ким манфаатдор?

Бу саволлар ҳозирча очиқ қолади.

Тағин ўқинг
9 апрел 2024
Хатлар келишда этмоқда, муаммолар ечимини тўлиқ таъминлаш учун Элтуз каналига обуна бўлиш, лайк босиш ва суперраҳмат тугмачасини босиб канални моддий ...
1 ноябр 2022
Жиноят ишлари бўйича Шайхонтоҳур тумани суди 18 яшар қизни бўғиб ўлдирган 23 яшар қотилни 12 йилга қамади. 2022 йилнинг ...
6 апрел 2016
Ўзбекистондаги партияларнинг нашрларини кўздан кечириб, уларнинг парламентдаги депутатларига ўз сайловчилари билан огоҳлик, ҳушёрлик, «ёт ғояларга қарши кураш» мавзуларида учрашувлар ...
21 май 2017
Ўзбекистон президентининг тергов жараёнига оид янги қарори ижобий баҳоланаётган бўлса-да, мамлакатда кучли адвокатура, фуқаролик жамияти ва мустақил оммавий ахборот ...
Блоглар
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...
12 январ 2025
Турли мавзуларга ўз қараши билан фарқланадиган блогер Кирпи Президентнинг 380-сонли қарори асосида 1000та китобнинг ўзбек ...