Asosiy mavzular
4 iyul 2016

O‘qituvchi va shifokorlar paxta qurtini terishga safarbar etildi

Farg‘ona viloyati o‘qituvchi va shifokorlari paxta ko‘sagiga tushgan qurtlarni dalalarda qo‘lda terishmoqda. Ularning bu safar dalaga chiqarilishi AQSh Davlat departamentining odam savdosiga qarshi yillik hisobotida O‘zbekiston reytingi pasaytirilgan 30 iyun kuniga to‘g‘ri keldi.

rasm1620
Paxta ko‘sagiga tushgan qurtlarni dalalarda qo‘lda terishmoqda. Foto © Eltuz.com

Viloyat hokimining o‘rinbosari, xotin-qizlar masalalari bo‘yicha mas'ul To‘lqinoy Tojieva Farg‘ona viloyatining barcha tumanlarda bo‘lib, o‘qituvchi va tibbiyot xodimlaridan dalaga chiqib, fermerlarga yordam berishni so‘ragan.

«Paxtaga qandaydir yomon qurt tushibdi», – dedi safarbarlikka jalb etilgan xodimlardan biri Eltuz.comga. Uning so‘zlariga ko‘ra, paxtaga tushgan qurtni terish uchun har kuni bitta maktab 10 nafar xodim berishi kerak.

Uning aytishiga ko‘ra, To‘lqinoy Tojieva kelib maktabda yig‘ilish o‘tkazgan. Paxta milliy boyligimiz, obro‘-e'tiborimiz ekanligini, u davlatga katta foyda keltirishini aytib, yordam berishlarini so‘ragan, aslida esa talab qilgan.

Qurtga qarshi biologik usul samara bermagan

O‘zbekistonda har yili avj oladigan ko‘sak qurtiga qarshi kurash bilan aslida Qishloq va suv xo‘jaligi vazirligi qoshidagi markaz shug‘ullanishi lozim edi.

rasm1621
Ko‘sak qurtiga qarshi qo‘llanilgan kimyoviy va biologik vositalar samara bermagan. Foto © eltuz.com

Biroq Eltuz.com muxbirining ayni markaz qoshidagi O‘simliklarni himoya qilish otryadi mutaxassislaridan olgan ma'lumotiga ko‘ra, biologik usullar samara bermagan.

Markaz mutaxassislarining bildirishicha, tumanlarning katta kichikligiga qarab, har bir tumanda 4 tadan 10 tagacha biolaboratoriyalar mavjud.

«Biz qurtlarga qarshi biologik xashorotlarni ko‘paytirish, ular uchun dalalarda maxsus idishlarda ozuqalar qo‘yish va biologik vositalarni dalalarga purkash bilan shug‘ullanamiz, biroq bu usullar faqat qurtlar paydo bo‘lishining dastlabki bosqichidagina natija beradi» deydi biolaborotoriya mutaxassisi.

U shuningdek zarakunandalarga qarshi turli zaharli dorilar, gerbitsidlar, insektitsidlar va mikrobiologik preparatlar qo‘llanishini aytadi.

Bu zaharli va biologik vositalarning ro‘yhati va ularning qanchalik miqdorda qo‘llanilishi haqida Eltuz.comda hujjatlar bor, biroq ularning inson organizmiga, jumladan paxta dalalarida ko‘sak qurtini terayotgan odamlarga qanchalik zarari bo‘lishi mumkinligi, bundan o‘qituvchi va shifokorlar qanchalik himoyalanganligi haqida hozircha aniq javob yo‘q.

rasm1622
Paxta zararkunandalariga qo‘llaniladigan kimyoviy zaharli va biologik vositalar. Foto © eltuz.com 

Majburiy mehnat tufayli O‘zbekiston reytingi pasaytirilgan kunlarda

Paxta qurtini terib olishga safarbarlik, ayni majburiy mehnat tufayli Trafikingga doir yillik hisobotda O‘zbekistonning reytingi mavjud imkoniyatdan eng past daraja Tier 3 ga tushirilgan paytga to‘g‘ri keldi.

30 iyun kuni AQSh Davlat departamenti o‘zining odam savdosiga qarshi kurashishga doir yillik hisobotida O‘zbekistonning reytingini 188 mamlakatlar ro‘yhati ohiridan uchinchi darajaga tushirgan edi.

2015 yilgi paxta mavsumida majburiy mehnat monitoringini o‘tkazayotgan fuqarolik jamiyatining mustaqil faollariga hujumlar soni keskin oshgani qayd etilgan bu hujjatda O‘zbekiston paxtachiligida majburiy mehnat tizimi o‘zgarishsiz qolayotggani, davlat jazo qo‘llash, jumladan, ishdan bo‘shatish va ijtimoiy yordamdan mahrum etish, talabalarni universitetlardan haydash tahdidi ostida eng kamida million kishini paxta dalalarida ishlashga majburlayotgani qayd etiladi.

Nasima Davron qizi
Eltuz.com

Tag‘in o‘qing
24 sentyabr 2020
So‘nggi paytlarda mendan endi migrantlarning taqdiri qanday bo‘lishi haqida tez-tez so‘rashmoqda. Ayrimlar Rossiyadan qaytayotgan ishsiz erkaklar oqimidan ochiqchasiga hayiqmoqda. ...
2 may 2023
1893 yil may oyida Turkiston oydinlariga yo‘l ko‘rsatgan “Tarjimon” gazetasi tashkilotchisi Ismoilbek Gaspirali (Ismoil Gasprinskiy) Buxoro amiri taklifiga ko‘ra ...
15 may 2018
Mirziyoevning AQShga safari arafasida qamoqdan ozod etilgan o‘zbek faoli Fahriddin Tillaev, xalqaro tashkilot vakillari bilan uchrashuvda erkinliklar va muxolifatga ...
21 may 2018
Prezident Mirziyoev 19-20 may kunlari Andijon viloyatiga qilgan safarida korruptsioner sobiq bosh prokuror Rashid Qodirovni yaqin orada televidenieda gapirtirishini ...
Bloglar
8 fevral 2025
Shu paytgacha «Anora» degan ikki film olindi. Bittasi yetim qizning ashlachi bo‘gani haqida¸ yana bittasi ...
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...