Asosiy mavzular
26 sentyabr 2016

«Deletant»larga diletantlarcha javob

Oliy Majlis palatalarining qo‘shma qarori bilan amaldagi bosh vazir, mustaqil kuzatuvchilar fikricha, noqonuniy tarzda prezident vazifasini bajaruvchi etib tayinlanishini xaspo‘shlashga urinishlar davom etmoqda.

«Kun.o‘z» saytida e'lon qilingan maqolada muallif bunday fikr bildirayotganlarni «delitant ekspertlar», deb ataydi.

Ha, ha, maqola muallifi yuridik fanlar nomzodi Shuxrat Rasulov “diletant” so‘zini “deletant” tarzida ifodalaydi.

Buning ustiga, maqolada kamida beshta joyda kelgan bu atama goh deletant, goh delitant tarzida ifodalangan.

Olimning javobi “ilmiy-nazariy asos”ga ega ekanligiga shak keltirmagan Kun.uz nashri imlo xatolarini o‘z holicha qoldirgan.

Shuningdek muallif, Oliy Majlis qarorini asoslash uchun rus olimi N.M.Korkunovning fikrlariga tayanishni maqsadga muvofiq hisoblaydi.

«Olim o‘tgan asrning oxirlaridayoq davlat boshlig‘ining odatiy farmonlari bilan favqulodda farmonlarini farqlay bilishni taklif etgan.

Olimning fikriga ko‘ra, favqulodda farmonlar qonun bilan tartibga solinadigan masalalar bo‘yicha yoxud qonunni bekor qilish bo‘yicha chiqariladi. Favqulodda farmonni chiqarish aslida zarurat taqozosi bilangina oqlanishi mumkin bo‘lgan huqubuzarlikdir…. Biroq bunday farmonlar muvaqqat xususiyatga ega bo‘lib, favqulodda farmon bilan belgilangan choralar qonun chiqaruvchi organga ko‘rib chiqish uchun taqdim etilishi kerak», deb yozadi muallif.

U prezidentning bevaqt vafoti va bu holatda Senat raisining prezident vazifasini vaqtincha bajarishdan voz kechishi va ushbu vakolat bosh vazirga yuklatilishini Korkunovning favqulodda farmon haqidagi ilmiy fikrlariga mos keladi, deya iddao qiladi.

«Deletant»(?)larga zarba berishga otlangan muallif o‘zbek qonunchiligida «zarurat taqozosi», «favqulodda farmon», «xalqning xohish-irodasi» kabi huquqiy tushunchalar yo‘qligini bila turib, diletantlarcha javob qaytarganini faqat qonunbuzarlikni, qolaversa o‘z savodsizligini oqlashga urinish, deb baholash mumkin nazarimizda.

Eltuz.com

Tag‘in o‘qing
20 fevral 2017
Andijondagi tijorat do‘konlarida odatda odamlar bahor payti uyda pishiradigan sumalak sotila boshlandi. Ba'zi odamlar bu taomni sotib olish imkoni ...
27 avgust 2018
O‘zbek jamiyatidagi keskin norozilikka qaramay, GM Uzbekistan kompaniyasi o‘zi ishlab chiqarayotgan avtomobillar narxini oshirganini e'lon qildi. Kompaniya matbuot xizmatining ...
22 noyabr 2017
Andijon shahri hokimi Dilmurod Rahmatullaev maktab direktorlari va o‘qituvchilarini «hayvon», «shoqol», «eshshak», «gadoy», «padaringga la'nat» deya haqoratladi. 16 oktyabrdagi ...
18 yanvar 2022
Tarmoqda ikki toifa mullalar bir-biri bilan qirpichoq bo‘lmoqda. 1-toifa: Hukumat va DXX yo‘rig‘ida yurib chiziqdan chiqmaydigan «mo‘'tadillar» 2-toifa: IShID ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...