Asosiy mavzular
29 sentyabr 2016

Parlament qarori qonuniyligiga shubha bildirish «axborot xuruji»ga tenglashtirildi

«Hurriyat» gazetasi (28.09) yana axborot xuruji mavzusiga e'tibor qaratdi. Bu safar erkin kuzatuvchilar va mustaqil nashrlarning amaldagi bosh vazir Shavkat Mirziyoevning prezident vazifasini bajaruvchi etib tayinlangani qonunchilikka zid ekani to‘g‘risidagi fikrlariga e'tiroz bildirildi.

«Davlatimizga nisbatan ta'sir o‘tkazishni reja qilgan kuchlarning malaylari bo‘lmish ayrim axborot vositalari, «jurnalistlar», «huquq himoyachilari» parlamentimiz 8 sentyabrda qabul qilgan prezident vazifasini yuklash haqidagi qaroriga nisbatan axborot xuruji tashkil qilishdi», deya iddao qildi gazeta.

Maqolada «sovuq urush» davrida faol axborot va psixologik urush olib borish uchun bir qator OAVlar tashkil etilgani aytiladi va bu OAVlar qatorida «Ozodlik», «Amerika ovozi», «Nemis to‘lqini», BBS kabi radiostantsiyalar nomi sanab o‘tiladi.

Shu bilan birga, «Ozodlik» radiosi AQSh Davlat departamenti va Markaziy razvedka boshqarmasi tomonidan moliyalashtirilgani, ayni paytda bir qator davlatlarda, xususan, Belarus, Eron, Tojikiston, Turkmanistonda bu radio eshittirishlari taqiqlangani ta'kidlanadi.

Ammo shu o‘rinda bu radioni taqiqlagan davlatlarning deyarli barchasi nodemokratik va avtoritar mamlakatlar sifatida tilga olinishiga to‘xtalib o‘tirilmaydi.

«Tahlillar shuni ko‘rsatadiki, yaqin va uzoq davlatlarda sodir etilgan davlat to‘ntarishlari («rangli inqiloblar», «arab bahori») manfaatdor kuchlar tomonidan g‘arazli maqsadga yo‘naltirilgan tarzda aholiga nisbatan amalga oshirilgan axborot ta'sirining oqibatidir», deyiladi gazetada.

Muallif «qichiydigan joyini avvaldan qashib qo‘yadi», ya'ni bo‘lajak prezident saylovi natijalari bo‘yicha «turli shubha, «mish-mishlar»ni tarqatish, saylov jarayonining qonuniy, demokratik tarzda o‘tganini shubha ostiga olish kuchayishi»ni bashorat qiladi.

«Basharti shunday bo‘lsa, bu haqiqiy xalq tanlovi amalga oshganidan, axborot xuruji tashkilotchilari xohlagan narsa ro‘y bermaganidan dalolat beradi», deydi muallif.

U «axborot xavfsizligini ta'minlashga qaratilgan alohida qonun hujjati qabul qilish masalasi ko‘rib chiqilishi kerak»ligini shart qilib qo‘yar ekan, axborot xurujlariga qarshi kurashda e'tibor qaratish muhim bo‘lgan beshta jihatga ham e'tibor qaratadi.

Xususan, muallif «mamlakatimiz, davlat apparati, rahbarlar haqida noto‘g‘ri ma'lumotlar, tuhmat, uydirmalar, noto‘g‘ri axborot tarqatuvchi har qanday axborot vositalari faoliyatiga qonun doirasida chek qo‘yish» taklifini ilgari suradi.

U «aholiga chet ellarga turib mamlakatimiz to‘g‘risida noto‘g‘ri, bir taraflama axborot tarqatuvchi axborot vositalari, shaxslarning asl qiyofasini ochib beruvchi axborotni yetkazish»ni ham taklif etadi.

Avvalo, maqola «parlament qaroriga qarshi axborot xuruji» haqida bo‘lsa-da, uning «tashkilotchilari» bu hujjatning qaysi jihatlariga e'tiroz bildirilayotgani to‘g‘risida bir og‘iz ham aytilmagan.

Qolaversa, biz iqtibos keltirgan ikki taklif ham yangilik emas. O‘zbekistondagi jarayonlar, mamlakat rahbariyati haqida muqobil fikr bildiradigan internet nashrlariga cheklov qo‘yilganiga ko‘p yillar bo‘ldi.

Bunday fikr bildiradigan OAVlar, shaxslarning «asl qiyofasini ochib berish» esa mahalliy televidenie va nashrlarda vasvasa darajasiga olib chiqilgan, deyish mumkin.

Eltuz.com

Tag‘in o‘qing
1 sentyabr 2020
2 sentyabr kuni Buxoro inqilobi va Buxoro Xalq Respublikasining 100 yilligiga bag‘ishlangan xalqaro simpozium bo‘lib o‘tadi 2.09.2020, ChORShANBA Nursulton ...
12 dekabr 2023
Cankt Peterburgning «Krasnoe Selo» tumanida uch nafar O‘zbekistonlik bola Lenin ko‘chasidagi «Mangu olov»ni o‘chirib qo‘yishdi, deya yozmoqda Rossiya nashrlari. ...
26 aprel 2018
Ohak zarralaridan ko‘zlari shikastlangan, davlat to‘ntarishida ayblanib qamalgan 28 yoshli toshkentlik bloger va yosh olim Akrom Malik hamon qamoqxona ...
4 oktyabr 2023
Kattaqo‘rg‘onlik 49 yashar Sodiqjon Yusupovich Muhammadiev tarqatgan diniy mazmundagi videolarni  muhokama qilganlar tekshirilmoqda. Hozir Sodiq Samarqandiy taxallusi bilan Turkiyaning ...
Bloglar
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...
12 yanvar 2025
Turli mavzularga o‘z qarashi bilan farqlanadigan bloger Kirpi Prezidentning 380-sonli qarori asosida 1000ta kitobning o‘zbek ...