Asosiy mavzular
20 oktyabr 2016

«Adolat himoyachisi»ga minnatdorlik xatlari ko‘paymoqda

Oldin ham yozgandik, Bosh vazirning virtual qabulxonasiga murojaat qilayotganlar o‘z muammolariga tez yechim topayotganidan minnatdor bo‘layotgani haqida so‘nggi vaqtlarda ko‘p gapirilyapti.

O‘zbekiston ommaviy axborot vositalari bu haqda to‘lib-toshib yozyapti. Ana shunday minnatdorlik maktublari haqida O‘zA tayyorlagan material «O‘zbekiston ovozi» gazetasida (18.10) ham e'lon qilindi.

«Birinchi prezidentimiz boshlagan buyuk islohotlar g‘ayrat va shijoat bilan izchil davom ettirilmoqda» degan dabdabali sarlavha ostida bosilgan maqola boshdan oxir bosh vazirning «adolati»ga hamdu sanolarga to‘la.

«O‘zbekiston bosh vazirining vitrual qabulxonasiga muammolari tezda hal qilinayotgani uchun yurtdoshlarimiz minnatdorlik xatlari jo‘natmoqda», deb boshlanadi maqola.

«Qishloqda yashayotgan bizdek oddiy fuqarolarning dardiga quloq tutib, masalalarimizni hal etib berayotganingiz misolida sizning birinchi prezidentimiz g‘oyalariga naqadar sodiq ekaningizga amin bo‘ldik», deydi qishlog‘idagi mobil aloqa sifatidan shikoyat qilgan bir fuqaro bosh vazirga minnatdorlik maktubida.

Bundan tashqari, maqolada arizachilar bu masalalar «bosh vazir darajasida ko‘rilayotganini chuqur anglab yetish»ga chaqiriladi va ayrim murojaatlarda noto‘g‘ri ma'lumotlar ham uchrayotgani aytib o‘tiladi.

Maqolada ana shunday arizachilarning bosh vazirga uzrxonlik tilab yo‘llagan maktublaridan misollar ham keltirilgan.

Masalan, bir fuqaro o‘zi Toshkentda yashashi tufayli qishlog‘ida gaz ta'minoti yomonligi to‘g‘risida noto‘g‘ri ma'lumotga asoslanib bosh vazirga noo‘rin murojaat qilganidan uzr so‘ragan.

Maqolaning e'tiborni tortadigan jihati uning Xalq demokratik partiyasi nashri bo‘lmish gazetada e'lon qilinganidir.

Bilasiz, bosh vazir O‘zLiDePdan prezidentlikka nomzod etib ko‘rsatilgan. «O‘zbekiston ovozi» esa XDPning o‘z nomzodi qolib, boshqa partiya vakili ko‘klarga ko‘tarilgan maqolani chop etishi sal g‘alatiroq tuyulmayaptimi?!

Qolaversa, bu gazeta XDPdan prezidentlikka nomzodning «olamshumul ishlari» to‘g‘risida hali bir og‘iz ham gapirgani yo‘q. Hatto undagi partiya qurultoyiga bag‘ishlangan maqolalarda ham nomzodning ismi ba'zi joylarda eslatib o‘tilgan, xolos.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
17 oktyabr 2015
Malohat Eshonqulova Mustaqil jurnalist, Eltuz.com 5 sentyabr, 2015 yil. Tungi soat 24.30. Eshik taqilladi. Qarasam, Urlaeva. “ortimdagi ayg‘oqchilarim dam ...
25 oktyabr 2015
Bu yil mahkum do‘stimiz Solijon Abdurahmonov 65 yoshda. 10 oktyabr kuni esa uning turmaga tashlanganiga sakkiz yil bo‘ldi. 2008 ...
8 sentyabr 2015
O‘zbekiston hukumati, XMT, Umumjaxon banki, Xalqaro Kasaba uyushmalari konfederatsiyasi, Xalqaro ish beruvchilar tashkiloti, BMT, Yunisef, Yevropa Ittifoqi shuningdek, AQSh, ...
15 sentyabr 2021
2020 yil oxiriga kelib O‘zbekistonning «Orient Group» kompaniyasi 700 million AQSh dollaridan ortiq investitsiya yig‘ib, mamlakatdagi eng badavlat konglomeratlardan biriga aylandi.  Shotlandiyaning sakkizta noma'lum mas'uliyati cheklangan sherikligi bu ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...