Asosiy mavzular
13 dekabr 2016

Prezidentning tepkisini kutadigan partiya faollari

Prezident saylovi o‘tar-o‘tmas matbuot xuddi Islom Karimov davridagi holatiga qaytdi-qo‘ydi. «Yo‘lchi yulduzi»ni bir muddat yo‘qotib qo‘ygan partiya nashrlari hatto kuni-kecha bo‘lib o‘tgan saylovga o‘z muassislarining to‘liqroq munosabatini bildirmay turib, saylangan prezidentga hamdu sano o‘qishni boshladi.

Xususan, «O‘zbekiston ovozi» gazetasi (10.12) o‘z muassisi bo‘lmish XDPdan saylangan deputatlar va partiya faollarining O‘zLiDeP nomzodi o‘laroq prezidentlikka saylagan Shavkat Mirziyoevning keyingi yilni «Xalq bilan muloqot va inson manfaatlari yili» deb e'lon qilgani ortidan ura-ura fikr-mulohazalarini chop etdi.

XDPning Qonunchilik palatasidagi fraktsiyasi a'zosi Shuhrat Tursunboev yangi prezidentning Konstitutsiya kunidagi nutqini «har jihatdan keng qamrovli va kontseptual ma'ruza», deya baholadi.

Avval marhum I.Karimovning chiqishlari deputatlar tomonidan yana shunday «yuksak baho»ga sazovor ko‘rilardi. Bu kabi chiqishlarda biror o‘zgarish bo‘lsa, u ham Islom Karimov nomi o‘rniga Shavkat Mirziyoev rutbasi ishlatilayotganidir. Qolgani avval qanday bo‘lsa, hozir ham shunday.

Yangi prezident hokimiyat xalqdan uzoqlashganini ochiq aytganidan keyin deputatning «vijdoni birdan uyg‘ongan» ko‘rinadi shekilli, hamma aybni o‘z bo‘yniga olib: «To‘g‘risini aytish kerak, biz deputatlarda qat'iylik va fidoyilik yetishmagani, haqiqatning yuziga tik qaramaganimiz uchun ham vaziyat shu ahvolga kelib qoldi», deb mardlik qiladi.

Lekin uning mardligi yangi yurtboshi belgilab bergan chiziqdan chiqmasligini hozirdan taxmin qilish uchun avliyo bo‘lish shart emasligini ko‘pchilik chin dildan his qilib turgani shubhasiz.

XDP markaziy kengashi bo‘lim mudiri esa «qabulxona» o‘yinini yanada ishonchliroq o‘ynash kerakligini ta'kidlagan.

«Birinchi navbatda, partiyamiz tizimida mavjud bo‘lgan «jamoatchilik qabulxonalari» ishini jonlantirishimiz, kerak bo‘lsa, tubdan qayta ko‘rib chiqishimiz kerak. Shu orqali odamlarni o‘ylantirayotgan masalalarni o‘z vaqtida aniqlash, mavjud muammolarin hal qilish imkoniyati paydo bo‘ladi», deydi XDP amaldori.

Chorak asrdan beri odamlar muammolarini ko‘rmay kelayotgan bu partiya faollari xalqning dardini anglashi uchun Sh.Mirziyoevning tepkisiga zor bo‘lib turgan ekan-da, degan gap keladi ko‘ngilga.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
26 aprel 2022
Toshkentdagi Korruptsiyaga qarshi kurash agentligi binosi hovlisi devorida 26 aprel kuni O‘zbekistondagi korruptsiya hajv qilingan yangi rasm paydo bo‘ldi. ...
4 aprel 2017
4 aprelga o‘tar kechasi tunda Farg‘ona viloyatining Buvayda tumaniga qarashli Yangiqo‘rg‘on shaharchasidagi Markaziy dehqon bozorida yong‘in chiqdi. Voqea guvohlarining ...
11 fevral 2021
Qur'oni karimda 25 payg‘ambarning ismi zikr etiladi. Hadislarda esa yer yuziga jami 124 ming payg‘ambar yuborilgani haqda bildiriladi. Ulardan ...
25 avgust 2022
Eltuz portalining bugungi sonidan 5 ta shikoyat va bitta rasmiy munosabat o‘rin olgan. Dastlabki shikoyat telegram messenjeridagi firibgarlik haqida. ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...