Asosiy mavzular
18 may 2017

Tuxum uchun prezidentga minnatdorlik

O‘zbek matbuoti prezident Mirziyoevning tovuq va tuxum siyosatini ulug‘lashda davom etmoqda.

Hususan «Milliy tiklanish» gazetasi (17.05) Toshloqdagi dehqon xo‘jaligi rahbari bankdan berilgan imtiyozli kreditga 2500 tovuq olib, kuniga 1500 ta tuxum sotayotgani uchun prezidentga minnatdorlik bildirgani haqida yozgan.

Maqolada prezidentning aholini tovuqboqar qilish tashabbusiga soya solayotgan holatlar ham tilga olingan.

Ma'lum bo‘lishicha, yozyovonlik Natalya opa Yunichkovaga «Agrobank»dan olinan 7,5 million so‘m kredit evaziga 230 ta tovuq olib berilgan. Ammo tovuqlar qari bo‘lib, na tuxum bergan, na go‘shtga yaragan.

Yunichkova bu tovuqlarni ikki oy boqqach, 30 tasi nobud bo‘lgandan keyin bankka borib tovuq sotgan firmani surishtirganida, bank xodimlari «mas'uliyatsizlik qilib, unga javob bermagani» haqida yozadi gazeta.

Faqat opa xalq qabulxonasiga murojaat etganidan keyingina tovuqlar ularni sotgan firmaga qaytarib berilgan, kredit ham o‘sha korxona tomonidan qoplangan.

Maqolada shuningdek, kollej bitiruvchisiga ham kreditga 50 ta tovuq berilgani, biroq ular tez orada nobud bo‘lgani aytiladi.

E'tiborlisi shundaki, maqolada xalq qabulxonalari hududlardagi rahbarlarning «el nazariga tushishiga, chinakam obro‘-e'tibor topishiga imkon bergani» ta'kidlanadi.

Gazeta shuningdek, «xalq dardi bilan yashash» bayrog‘ini baland ko‘targancha, prezidentning xalq qabulxonalari faoliyatiga oid kattagina maqola e'lon qilgan.

Maqola Xalq bilan muloqot va inson manfaatlari yilining asosiy maqsadi «el-yurt tashvishidan ogoh bo‘lib, chora-tadbir ko‘rish» ekanini ta'kidlar ekan, davlat rahbariga tashakkurnomalar bilan boshlanadi.

Xalq qabulxonasiga murojaat etgani ortidan buvisiga nogironlik aravachasi berilgan nabira, qariyb o‘n yil davomida qiziga guvohnoma ololmay yurib, uch kunda ishi bitgan ona, farzandining o‘qishi uchun shartnoma to‘lovini o‘tkazish borasida ishi bitmay yurgan vaqtda amaliy yordam olgan volidaning ham minnatdorlik so‘zlari keltirib o‘tilgan.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
12 dekabr 2017
12 dekabr kuni taniqli mustaqil jurnalist, 45 yoshli Sid Yanishev Toshkent shahridagi 61-militsiya tayanch punkti xodimlari tomonidan hibsga olindi. ...
7 fevral 2020
Mana, yana hafta aylanib, siz bilan yuzma-yuz ko‘rishib turganimdan mamnunman. Jadvalga rioya qilish va intizom yaxshi narsa.  Bir katta ...
9 aprel 2019
Rasmiy Toshkent O‘zbekiston xalq harakati (O‘XH) lideri Muhammad Solihning qarindoshlari ortidan ta'qibni qaytadan boshladi. Xususan, 2019 yilning 7 aprel ...
2 mart 2024
Termiz shahrida uylari buzilib, o‘rniga yangi ko‘p qavatli uylardan yangi uy va'da qilingan 200 nafarga yaqin fuqaro uch yildan ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...