Asosiy mavzular
19 dekabr 2016

Yevroparlament O‘zbekistonni bolalar ekspluatatsiyasini to‘xtatgani uchun mukofotladi

«Xalq so‘zi» gazetasi (17.12) «Jahon» axborot agentligiga tayanib Yevropa parlamenti O‘zbekiston bilan «to‘qimachilik bitimi»ni ratifikatsiya qilish uchun ovoz berganini xabar qildi.

Unda yozilishicha, Yevroparlamentning yalpi yig‘ilishida O‘zbekiston va Yevropa Ittifoqi o‘rtasidagi sheriklik va hamkorlik bitimiga to‘qimachilik savdosiga oid o‘zgarishlar kiritish to‘g‘risidagi protokol ma'qullangan.

Bu hujjatning ratifikatsiya qilinishi YeIga O‘zbekistondan to‘qimachilik mahsulotlari import qilishga qulayliklar yaratadi va boradagi ko‘plab cheklovlarning bekor bo‘lishini ta'minlaydi.

Maqolada Yevroparlament xalqaro savdo qo‘mitasining O‘zbekiston bo‘yicha ma'ruzachisi Mariya Arena xonimning ko‘pchilik hamyurtlarimizni salbiy ma'noda hayratlantiradigan gaplaridan iqtiboslar keltirilgan.

Bu xonim «O‘zbekiston Xalqaro mehnat tashkiloti (XMT) bilan hamkorlikni rivojlantirish borasida mamlakatda munosib mehnatni ta'minlash bo‘yicha sezilarli natijalarga erishgani»ni ta'kidlab, «XMT hisobotlariga ko‘ra, 2015 yilda O‘zbekiston bolalar mehnatiga yo‘l qo‘yilmaydigan davlatga aylandi», deya o‘zbeklar nazarida g‘irt yolg‘on bo‘lgan so‘zlarni aytadi.

Nega bu yolg‘on? Chunki bu gaplar bilan yevropaliklarni aldash mumkindir, ammo minglab bolalari hatto 2016 yilda ham paxta dalalariga quvilgan o‘zbeklarni aldab bo‘lmaydi.

Joriy yilda kamida 3-ta viloyatda kattalar qatori maktab o‘quvchilari ham paxta terimiga jalb etilgani haqida erkin matbuot, fuqarolik jamiyati faollari yetarlicha asoslangan ma'lumotlarni taqdim etdi.

O‘zbekiston-Germaniya inson huquqlari forumining bu boradagi monitoringga oid hisobotida ham ko‘plab shunday holatlar haqida so‘z boradi.
Shuningdek, unda mamlakatda paxta terimi mavsumida majburiy mehnatni monitoring qilayotgan faollar ta'qib va tazyiqlarga duchor qilingani aytiladi.

Shunga qaramay, M.Arena xonim «mamlakat hukumati XMT, Jahon banki va boshqa xalqaro tuzilmalar bilan ushbu yo‘nalishda (ya'ni bolalar mehnatiga yo‘l qo‘ymaslik borasida – tah.) olib boriladigan faoliyatda o‘zining sodiqligini namoyon etmoqda», deydi.

Aslida O‘zbekiston hukumati bolalar mehnatiga chek qo‘yish emas, balki bolalar mehnatidan foydalanishni davom ettirish siyosatiga sodiq qolmoqda. Buni joriy yilgi paxta mavsumi yanada yaqqolroq ko‘rsatib berdi.

Shunday bo‘lsa-da, 2014-2020 yillarda Yevrokomissiya O‘zbekistonga qishloq joylarni rivojlantirish uchun 168 million yevro ajratishini qo‘llab-quvvatlash ma'qul ko‘rinadi. Zora bu yordam O‘zbekistonda bolalar mehnatidan foydalanish ko‘lami kamayishiga olib kelsa!

2016 yilgi paxta mavsumida majburiy mehnatga oid hisobotni bu yerda rus tilida o‘qishingiz mumkin.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
4 sentyabr 2023
2024 yil 1 yanvardan hisoblagichlarsiz yerosti suv olish inshootlaridan foydalanish taqiqlanadi. Rassom Tuz
23 iyul 2018
Toshkent shahri IIBB narkotiklar tarqatish ishi bo‘yicha ayblanayotgan tadbirkor Jahongir Umarovga nisbatan qiynoqlar qo‘llanilgani haqidagi xabarlarni rad etdi. IIBBning ...
18 mart 2023
Rassom O‘rumbay Oxunovning yuz yillik tavalludiga bag‘ishlanadi Qirg‘izistondagi birinchi professional rassom O‘rumboy Oxunov 1923 yil 21 martda Navro‘z bayrami ...
19 noyabr 2018
Ijtimoiy tarmoqda Namanganning 5-mikrorayonida qurilayotgan Eyfel minorasi nusxasining dastlabki fotosuratlari paydo bo‘ldi. Parijning mashhur Eyfel minorasi nusxalarini bugungi kunda ...
Bloglar
22 noyabr 2024
Qudratlar ayrilgan tuzum, ya'ni demokratiya avtokratiyadan yaxshidir. Bu gapni aytaverib tilim qavardi. Demokratik jamiyat bo‘lgan ...
28 oktyabr 2024
(Eltuzga telegram orqali kelgan maktub) “Xorazm viloyati Urganch tumanlararo sud raisi Yo.A.Almosov janobi oliylarining bugungi ...
24 oktyabr 2024
Bir odam hammaga yaxshilik qilishga so‘z beribdi. Qo‘shnisi kelib uni otini so‘rab olib minib ketganicha ...