Asosiy mavzular
8 yanvar 2017

Mirziyoev ikki kuyovini katta ishlarga joylashtirdi

Shavkat Mirziyoev ikki kuyovini hayotlaridagi eng yirik yangi yil sovg‘asi bilan siyladi.

Katta kuyov Oybek Tursunov prezident ma'muriyati rahbari Zelimxon Haydarovning o‘rinbosari etib, kichigi Otabek Shaxanov esa prezdent xavfsizlik xizmati boshlig‘ining birinchi o‘rinbosari etib tayinlandi.

Bu haqda Eltuzga Shavkat Mirziyoev oilasiga yaqin ikki manba ma'lum qildi.

Karimov o‘limidan baxti chopgan kuyov

Mirziyoevning to‘ng‘ich qizi Saidaning eri Oybek Tursunov haqida turli ziddiyatli fikrlar yuradi.

Mirziyoev bosh vazir ekan davlat zahiralarini boshqarish qo‘mitasida mulozim bo‘lgan Oybek Tursunov ayni idoradagi kamomadi hamda valyuta qora bozoridagi faoliyati tufayli katta muammoga duch kelgan.

Jazodan omon qolish umidida Oybek Moskvaning eng hashamatli “Rublyovka” mavzesida yashashga majbur bo‘lgan va faqat Islom Karimov o‘limidan keyingina O‘zbekistonga qaytgan.

Uning otasi O‘zbekiston Ichki Ishlar vazirligi Terrorizmga qarshi kurash boshqarmasi sobiq boshlig‘i, iste'fodagi polkovnik Botir Tursunovdir.

Oybekning bojasi Otabek Shaxanov haqida ma'lumotlar nihoyatda oz.

2010 yili IzRus portali Otabekning xotini Shahnoza Mirziyoeva Isroilning «Ixilov» kasalxonasida qiz farzand ko‘rgani haqida yozgandi.

Bojalar davri

Shavkat Mirziyoev marhum prezident Islom Karimov izidan borishini baralla e'lon qilgan esa-da, amalda mutlaqo boshqacha siyosat yuritayotgani oxirgi paytlarda tobora yaqqol ko‘zga tashlanmoqda.

Shu jumladan uning oila a'zolariga bo‘lgan munosabatida ham mutlaqo o‘zgacha yondashuvni ko‘rish mumkin.

Marhum prezident o‘z kuyovlarini hokimiyatdan qancha yiroq tutgan bo‘lsa, joriy prezident o‘z kuyovlarini hokimiyatga shuncha yaqinlashtirmoqda.

Shamsiddin To‘laganov

Eltuz.com

Tag‘in o‘qing
17 dekabr 2019
So‘kong‘ichligi bilan nom chiqargan Farg‘ona viloyati hokimi Shuhrat G‘aniev 2 dekabr kuni ijtimoiy tarmoqda tarqalgan navbatdagi audioyozuvida gaz yo‘qligi ...
30 noyabr 2016
26 minut davom etgan BBS o‘zbek xizmati muxbiri Ibrat Cafo bilan suhbati chog‘ida kichik Islom Karimov shuningdek onasi Gulnora ...
27 sentyabr 2017
Prezident Mirziyoev va'dalariga ishonib vatanga qaygan dissident yozuvchi Nurilla Otaxonov (Nurullox Muhammad Raufxon)ning, 27 sentyabr kuni Toshkent aeroportida hibsga ...
28 noyabr 2016
Bosh vazir o‘rinbosari Rustam Azimovning telegrammasida “Plastik kartani to‘lov uchun qabul qilishdan bosh tortgan” va “Plastik karta orqali hisob-kitob ...
Bloglar
23 may 2023
Din ishlari qo‘mitasi “hajga yuboraman” degan «aprslar» gapiga ishonmanglar, deb, “lo‘xlar”ni ogoxlantirdi. Ammo lo‘x va ...
22 may 2023
O‘zbekistonning o‘risqul hukumati yana bir sanktsiyaga tushgan Ukrainaga qarshi urush aybdorini Toshkentga chaqirib siyladi. Ukrainadagi ...
20 may 2023
Eltuzning dushman emas balki do‘st ekanligini eng birinchi anglab tushunib yetgan ilk rasmiy kishi bu ...