Asosiy mavzular
21 dekabr 2017

Inoyatov pullari izidan: Venadagi ko‘p millionli qasr

18 dekabr kuni Open Source Investigations (OSI) guruhi O‘zbekiston MXX raisi Rustam Inoyatov oilasiga tegishli ko‘chmas mulklarga oid maqolani chop etdi.

Inoyatovlar mulki Vena o‘rmonlariga tutash eng xushmanzara hududda joylashgan. Foto: OSI

OSI – voqealarni chuqur surishtirishni ta'minlash maqsadida jurnalistlar, tadqiqotchilar, faktlar hamda ma'lumotlar to‘plovchi faollar va ekspertlarni o‘ziga jamlagan guruhdir.

O‘zbekiston Milliy xavfsizlik xizmati (MXX) raisi Rustam Inoyatov butun dunyo bo‘ylab ko‘chmas mulklarga ega va biznes imperiyani yaratish uchun o‘z mansabidan foydalanmoqda, deya yozadi OSI curishtiruv guruhi.

Maqolaga ko‘ra, Rustam Inoyatov oilasi Venada muhtasham villaga ega. Mulk Sharif Inoyatov va Baxtiyor Ergashev tashkil qilgan Benif Handels GmbH shirkati nomiga xarid qilingan. Benif Handels GmbH 2011 yili tugatilgach, Inoyatovlar oilasi hashamatli qasrni 2,5 millionga sotishgan.

OSI guruhi keltirgan hujjat

Avstriyaga O‘zbekiston sarmoyasi

2005 yilning 23 noyabrida Avstriyada Benif Handels GmbH shirkati ro‘yxatga olingan. Shirkat uch nafar o‘zbek vatandoshi – Sharif Inoyatov, Baxtiyor Ergashev va Shavkat Mingaliev tomonidan ta'sis qilingan.

43 yashar Sharif Rustamovich Inoyatov O‘zbekistonda qudratga ega Milliy xavfsizlik xizmati raisi Rustam Inoyatovning o‘g‘lidir. Baxtiyor Ergashev (1959 y. tug‘.) Rustam Inoyatovning pochchasi bo‘ladi. Ergashev Inoyatovning kenja singlisiga uylangan. Shavkat Mingaliev esa Sharif Inoyatovning eski do‘sti va ish hamkoridir.

Rustam Inoyatov va uning qarindoshlariga shirkatning 60 foiz Mingalievlarga esa 40 foiz aktsiyasi tegishli. Shavkat Mingalievning xotini Farida Mingalieva shirkat boshqaruvi direktoridir.

Inoyatovlar oilasining 2,5 million yevro turadigan qasri

Benif Handels GmbH ofisi Venada Sieveringer Strasse da joylashgan edi. Biroq ofis manzili – Bergzeile 3, 1170 Viennaga, Inoyatovlarga tegishli hashamatli qasrga rasmiylashtirilgandi. 2011 yili Benif Handels GmbH tugatilishi arafasida Sharif Inoyatov va Baxtiyor Ergashev mulkni 2,5 millionga sotishadi.

Imorat Venadagi eng eksklyuziv va nufuzli turar joy hududidan, Vena o‘rmoniga yaqin Xernals mavzesining g‘arbiy qismidan o‘rin olgan.

Inoyatovga tegishli 2,5 million yevro turadigan qasr. Foto: OSI

Bu marmar kolonnalar, tilla bezaklar, yopiq basseyn va fusunkor ko‘rinishdagi bir bino.

600 kvadrat metrli uy 9 xona va 2 qavatdan iborat. Fasadi marmar kolonnalar bilan ajratilgan, zinapoya italyan marmaridan ishlangan, mehmonxona poliga tilla bilan ishlov berilgan. Ikkinchi qavatdan Venaning panorama manzarasi ko‘rinadi.

Qasrning katta hashamatli basseyn, sauna va jakuzini jamlagan spa-markazi bor. Mulk ichidan katta xususiy bog‘ va garaj ham o‘rin olgan.

Va bu hali hammasi emas…

O‘zbekistonda Rustam Inoyatovning Benif guruhi egasi ekani sir tutiladi. Xalqaro xavfsizlik kuchlari (ISAF) missiyasi payti Inoyatovning Benif ning bosh direktori bo‘lgan pochchasi Baxtiyor Ergashev Afg‘onistonga neft, gaz va qurilish materiallari eksportini monopoliyalashtirgan. Benif, shuningdek, qurilish va plastik kartalar ishlab chiqarish sohasining yirik pudratchisi ham sanaladi.

Biroq har qanday boshqa oligarxlar kabi Rustam Inoyatov ham o‘z sarmoyasining katta qismini chet elga yotqizgan. OSI guruhi Inoyatov oilasining butun dunyo bo‘ylab mulk va shirkatlarga egalik qilayotgani haqida dalillar borligini yozadi.

Venadagi 2,5 million yevro turadigan Benif Handels qasri esa bor-yo‘g‘i bunga ular keltirgan bitta misoldir.

Eltuz.com

Tag‘in o‘qing
1 fevral 2024
Ukrainadagi bolalarni o‘ldirayotgan o‘ris poroxini O‘zbekiston ta'minlamoqda, bu O‘zbekistonni urush jinoyatchisi sifatida sanktsiyalar botqog‘iga abadiy cho‘ktirishi mumkin. Porox ishlab chiqarish ...
30 sentyabr 2019
Shanba kuni Berlin markazida aylanib yurib, tasodifan bir nikoh to‘yining guvohi bo‘ldim. To‘y korteji kajavali bittagina velosipeddan iborat edi. ...
15 oktyabr 2015
Xorazmga safari payti hokimlikning tungi majlisida jurnalist Malohat Eshonqulova yozib olgan audioyozuvlar Hazorasp hokimi O‘ktam Qurbonovning ikkiyuzlamachiligini fosh qilgan. ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim G‘afurovlarning «She'ringizni tushuntirib bering» ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...