ART-DURBIN
20 iyul 2018

Muzey mudirasi: Zanglagan uskuna bois Shevchenkoning shoh asariga zarar yetdi

Nukus muzeyida 16 iyulga o‘tar kechasi zanglagan quvurdan oqqan suv mashhur futurist rassom Aleksandr Shevchenkoning «Chelak ko‘targan ayol» rasmiga zarar yetkazdi.

Voqea, «Eltuz» muxbirining o‘rganishicha, Savitskiy muzeyi ko‘rgazmalar zali shiftiga o‘rnatilgan yong‘inga qarshi moslamalar (sprinkler)dan birining kechasi uzilib tushishi oqibatida ro‘y bergan.

Bu holatni «Eltuz»ga tasdiqlarkan, muzey tasviriy san'at bo‘limi mudirasi Venera Kim hodisaning internetda ancha ko‘pirtirilganini ham aytdi.

«Shevchenkoning «Chelak ko‘targan ayoli»ga yetgan zarar internetda qay darajada ko‘pirtirilganidan xabarim bor», dedi Venera Kim. Uning aytishicha, nashrlar hatto muzeyda yong‘in chiqqani, Shevchenko asari tiklab bo‘lmas holga kelganini yozishgan.

Venera Vladimirovnaning «Eltuz»ga bildirishicha, aslida suv oqishi oqibatida mashhur polotnodagi moybo‘yoqning bir parchasigina ko‘chgan, ayrim joylari namiqqan va hozirda asarni mukammal restavratsiya qilish masalasi ko‘rilmoqda.

«Agar bilsangiz, ayni suv purkagich moslamalar o‘sha siz bilgan muzeyning oldingi rahbari Marinika Bobonazarova davrida o‘rnatilgan edi», dedi Venera Kim «Eltuz» muxbiri bilan suhbatida.

Shevchenko «Chelak ko‘targan ayol» asarini 1914 yilda yaratgan. Uning narxi bugungi kunda bir million dollardan ziyod baholanishi mumkin, chunki rassomning ko‘lami jihatdan kamroq qiymatdagi «Shahar chekkasida» asari 2012 yili 700 ming dollardan oshiq narxda sotilgan edi.

Eltuz.com

Tag‘in o‘qing
5 fevral 2016
Aramais va uning sheriklari ustidan sud tugadi. Hukmni kutish qoldi. Prokuror unga 18 yil so‘radi. 2015 yilning 4 sentyabrida, ...
27 noyabr 2020
AQSh va O‘zbekiston 2021 yilda “strategik hamkorlik muloqoti”ga o‘tishni maqsad qilgan. O‘tgan hafta Vashington prezident Donald Trampning 4 noyabrdagi saylovda ...
14 may 2019
Londonlik tahlilchi Alisher Ilhomov 14 may kuni O‘zbekistonda mulkka egalik huquqlari buzilayotgan, ayniqsa, uylaridan ommaviy ko‘chirilayotganlar muammosi yuzasidan petitsiya-murojaatini ...
29 aprel 2018
2006 yil 29 aprel kuni ertalab 27 yashar huquq faoli A'zam Farmonov taksida viloyat kasalxonasi tomon ketayotganida uchta militsiya ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...