Asosiy mavzular
30 oktyabr 2018

Paxta terimiga oid majlisni yoritmoqchi bo‘lgan jurnalist qamaldi

«Xorazm yoshlari» gazetasi muharriri o‘rinbosari, 47 yashar jurnalist Davlatnazar Ro‘zmetov 29 oktyabr kuni Qo‘shko‘pir tumani hokimligi binosida paxta safarbarligiga bag‘ishlangan majlisni yoritmoqchi bo‘lgan paytida hibsga olindi.

«Qo‘shko‘pir tumani hokimligi o‘qituvchi va shifokorlarni paxtaga jalb qilish yuzasidan majlis o‘tkazmoqchi ekanligi haqida jurnalistga bir kun oldin o‘tgan to‘yda xabar qilishgan edi. Shu kuni videokamerasi bilan ketganicha qaytib kelmagan», deya voqeani izohladi Davlat Nazarning do‘stlaridan biri «Eltuz» nashriga.

Voqeani yoritmoqchi bo‘lgan Ro‘zmetovning yana bir hamkasbiga ko‘ra, majlisga hatto diktofon olib kirishga ham ruxsat etilmagan. Bu yuzadan savol bermoqchi bo‘lgan jurnalistni shu zahoti militsiya xodimlari olib ketishgan.

Uning tag‘in «Eltuz» nashriga bildirishicha, jurnalistga «bezorilik» aybi qo‘yilgan, avvaliga u 15 sutkaga qamalgan, keyin esa 29 oktyabr kuni o‘tgan sudda jazo 7 sutkaga tushirilgan.

Foto: Jurnalist Davlatnazar Ro‘zmetov O‘zbekiston yoshlar ittifoqi rahbari Qahramon Quronboevdan intervyu olmoqda.
Jurnalistning feysbuk sahifasidan

Davlatnazar Ro‘zmetov Tomsk milliy tadqiqot universitetini tugatgan. Ijtimoiy tarmoqda o‘zining liberal qarashlari va dolzarb chiqishlari bilan tanilgan o‘zbek jurnalistidir.

Eltuz.com

Tag‘in o‘qing
6 aprel 2021
O‘zbekistonning sobiq prezidenti Islom Karimovning qizi Gulnora Karimova 2013 yildan beri Shveytsariyada korruptsiya va pul yuvish bilan bog‘liq ishlar ...
20 iyun 2017
19 iyun kuni kechqurun prezidentga shikoyati yuzasidan Toshkentga, Ichki ishlar vazirligidagi qabulga ketayotganida Surxandaryolik Karomat Qodirova yulda ushlanib orqaga ...
2 oktyabr 2015
Xozarasp tumanining Sanoat qishlog‘ida Sanoat xo‘jaligining paxta dalasida joylashgan shiyponida bo‘ldik. U yerda qishloq xo‘jaligi kolleji talabalari joylashtirilgan ekan, ...
2 oktyabr 2020
Juma kelsa, xuddi uzoq ko‘rmagan do‘stu yorlarim guras-guras bo‘lib, meni quchoqlab ko‘rishganday his-tuyg‘uni boshdan kechiraman.  Jahonning shodligi yig‘ilsa butun,  ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...