Asosiy mavzular
26 avgust 2019

Milliy iqtisodiyotni yemirgan “o‘zbek modeli”

Uzoq yillar davomida rejim paxtaqo‘yarlari tomonidan og‘zi ko‘pirib maqtanilgan “taraqqiyotning o‘zbek modeli noto‘g‘ri bo‘lgani” mamlakatning eng yuqori doiralari tomonidan e'tirof etildi. 

Oliy Majlis Senati raisining birinchi o‘rinbosari Sodiq Safoev parlamentning yuqori palatasi yalpi majlisida shu ma'noda bayonot berdi. 

Mustaqillikdan buyon O‘zbekiston hukumati yurmagan iqtisodiy taraqqiyot yo‘li qolmadi hisob. Avvaliga “Turkiya modeli”, “Xitoy modeli”, “Koreya modeli” kabi turli “rusum”lardagi taraqqiyot yo‘lidan yurib ko‘rdik.

Qarasak, iqtisodiyotda baribir o‘zgarish, o‘sish yetarli emas. Aldovning yangi yo‘li o‘ylab topildi – “taraqqiyotning o‘zbek modeli”.

Bugun bu “o‘zbek modeli” aslida bir tiyinga qimmat bo‘lgani, hukumat uzoq yillar davomida xalqimizni aldab kelgani tan olinmoqda. 

Aslida maddohlar taraqqiyotning marhum prezidentga nisbat bergan bu yo‘li xalqni qashshoqlashtirish, iqtisodiyotni o‘ldirishga asoslangani to‘g‘ridan to‘g‘ri bo‘lmasa-da, mantiqan e'tirof etilmoqda.

Bugun ma'lum bo‘lyaptiki, “o‘zbek modeli” mohiyatan Islom Karimov klani, Rustam Inoyatov, Rashid Qodirov, Mirabror Usmonov, Rustam Azimov kabi (bular safi ancha keng) amaldorlar va ularning yaqinlari boyishiga xizmat qilgan taraqqiyot yo‘li ekan. 

Eng achinarlisi, bir vaqtlar “o‘zimizga xos, o‘zimizga mos o‘zbek modeli”ning ajoyibotlari haqida ertak aytganlar bugun yana ulkan islohotlar haqida lof urmoqda.

Bu islohotlarning kishini hushyor torttiradigan bir jihati borki, yana noto‘g‘ri yo‘ldan ketmayotganmikanmiz, degan xayolga boshlaydi. 

Bir vaqtlar “o‘zbek modeli”ni mamlakatimizga ravo ko‘rgan amaldorlarning ko‘pchiligi bugungi islohotlarning boshida turibdi!!!

Hali bu islohotlar tayinli natija ko‘rsatmay turiboq uni ham xuddi “o‘zbek modeli” kabi ko‘tar-ko‘tar qilishning esa cheki yo‘q. 

“Uch yil avval mamlakat iqtisodiyoti halokat yoqasiga borib qolgan va prezident Shavkat Mirziyoev tufayli halokatdan qutqarib qolingan”ini aytayotir Sodiq Safoev.

Undan avvalroq esa yozuvchi Murod Muhammad Do‘st bugungi islohotlarni pufakka qiyoslab baloga qolgandi. Hozir uning bu ogohlantirishi qolib, bir vaqtlar “o‘zbek modeli” haqida maddohlik qilganlar yozuvchini internet saytlariyu ijtimoiy tarmoqlar orqali do‘pposlash bilan ovora.

Birortasi “pufak” yorilmasligiga iqtisodiy asos keltirayotgani yo‘q. Ammo islohotlarning katta tavakkalchiliklari ko‘rinib turgan jihatlaridagi xatarlar haqida ogohlantirayotganlarni qoralash bilan band.

Bular bir vaqtlar “o‘zbek modeli”ni ham shunday ko‘tar-ko‘tar qilgan, o‘zbek xalqi yetishtirgan million-million paxtani bu modelning boshida turganlarning ketiga qo‘ygan edi. 

Shuning uchun bir gapni aytish bugun nihoyatda zarurga o‘xshayapti. Agar islohotlarda qandaydir xatoliklar ketayotgan bo‘lsa, bundan qo‘rqmaylik. Erta bir kun kelib, buni tuzatamiz, to‘g‘ri yo‘lni topib olamiz.

Ammo o‘sha xatoliklar, tavakkalchiliklar xataridan ogohlantirayotganlarga qarshi to‘qmoq ko‘tarib yugurayotgan maddohlardan, paxtaqo‘yarlardan ehtiyot bo‘laylik.

Chunki ular bugungi bitta xato ikkita bo‘lishiga yo‘l ochib berayotganlardir!

“Eltuz”ning O‘zbekistondagi hamkori

Tag‘in o‘qing
8 aprel 2023
Olti yilcha oldin bir aziz do‘stim Saudiyaga zaruriyat yuzasidan borib keldi. Safar tafsilotlarini aytar ekan «Saudiyada yashaydigan o‘zbek olim» ...
26 sentyabr 2015
O‘zbekiston Mehnat vazirligi va Kasaba uyushmalari federatsiyasi tarqatgan, “Paxta – rizq-ro‘zimiz!” sarlavhali varaqada jumladan quyidagi so‘zlar yozilgan. Paxta yig‘im ...
29 yanvar 2020
O‘zbekistonlik olima Gulsara Shermatova ijtimoiy tarmoqda qoldirgan 28 yanvar kungi postida «chet ellardagi yuqori malakali PhD unvoniga ega kadrlarning» ...
20 iyul 2022
Kecha hayotida ko‘pni ko‘rgan, Karimov qatag‘onlaridan tirik chiqqan, O‘zbekiston siyosiy va iqtisodiy elitasini ich-ichidan biladigan shaxs  – sobiq sudyalardan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...